نووسەر و شێوەكار حەمە هاشم كتێبی(میكلانجلۆ)ی بڵاوكردەوە
ئێوارەی ئەمڕۆ یەكشەممە ڕێكەوتی 22/10/2023 لە (ناوەندی ڕۆشنبیری ئاشتی) لە شاری هەولێر ڕێورسمی ناساندن و بڵاوكردنەوەی نوێترین كتێبی چاپكراوی نووسەر و هونەرمەندی شێوەكار(حەمە هاشم)بەڕێوەچوو .
کتێبی "میکلانجلۆ" كە نوێترین بەرهەمی چاپكراوی هونەرمەند حەمە هاشمە و شەشەمین کتێبی ھونەريی ئەم نووسەرەیە,لە دوای كتێبی (نامەكانی ڤانكۆخ) دێت كە لە ڕێكەوتی 2/2/2023 بڵاویكردەوە .
کتێبی میکلانجلۆ بریتيیە لە بابەتێکی گرنگ لەسەر ھونەرمەند و پەیکەرسازی ئیتاڵی (میکلانجلۆ)دەكۆڵێتەوە، کتێبەكە لە 128 لاپەڕەی رەنگاورەنگ پێکھاتووە و ناوەڕۆكی ئەم بەرهەمە باس لە ژیان و بەرھەمە دانسقەکانی میكلانجلۆ دەكات،هەروەها كتێبەكە لە هەندێ لایەنی شاراوەی کۆمەڵایەتی میکلانجلۆ دەخاتەڕوو.
گوڵان-ئاسۆ كاكەیی
