هونەرمەند (ئازا حەسیب قەرەداغی) دەیەمین پێشانگەی تایبەتی شێوەكاریی كردەوە
ڕۆژی یەكشەممە ڕێكەوتی 28/4/2024 لە مۆزەخانەی نیشتمانیی ئەمنەسوورەكە لە شاری سلێمانی,نووسەر و هونەرمەندی شێوەكار (ئازا حەسیب قەرەداغی) دەیەمین پێشانگەی تایبەتی شێوەكاریی بەناونیشانی (هەواری هەوری) كردەوە.
بە ئامادەبوونی هەریەك لە (حەمەی حەمەسەعید)وەزیری ڕۆشنبیری و لاوان و (هەڤاڵ ئەبوبەکر) پارێزگاری سلێمانی,وە سەرۆکی زانکۆی جیهان لە سلێمانی و (نیاز نوری) نەقیبی سەندیکای هونەرمەندان و بە ئامادەبوونی ژمارەیەك لە هونەرمەندان و هونەردۆستانی سلێمانی, نووسەر و هونەرمەندی شێوەكار (ئازا حەسیب قەرەداغی)دەیەمین پیشانگەی تایبەتی شێوەكاری خۆی كردەوە.
پێشانگەی (هەواری هەوری) لەلایەن زانكۆی جیهان-سلێمانی ڕێكخراوە,بۆ ماوەی پێنج ڕۆژ كراوە دەبێت و تاوەكو ڕێكەوتی 3/5/2024 بەردەوامی دەبێت,پێشانگەكە دوو كاتی جیای بۆ دیاریكراوە,كاتژمێر 10ی بەیانی تاوەكو 1:30نیوەڕۆ,هەروەها كاتژمێر 3ی پاشنیوەڕۆ تاوەكو 7ی ئێوارە كراوە دەبێت.
گوڵان-ئاسۆ كاكەیی