گهنجێكى ميسرى تهنها بهقسهكانى عهرشى "سى سى" دههژهێنێت
گهنجێكى ميسرى، بههۆى دهربڕينى چهند رستهيهكهوه، تۆڕه كۆمهڵايهتييهكان دهههژێنێت و دهسهڵاتدارانى ميسريش ترسيان لهدووبارهبوونهوهى خۆپيشاندان ههيه.
شهوى چوارشهممهى رابردوو 12/تشرينى يهكهم/ ئۆكتۆبهرى 2016، شوفێرێكى توك توك، له كهناڵى "الحياة"ى ميسرى، زۆر بهتوڕهيى و حهماسهوه گوتى: "دهوڵهت پهرلهمان و دامودهزگاى سهربازى و ئهمنى لهدهرهوهو ناوهوه ههيه لهگهڵ 20 وهزارهت، چۆن دهبێت ميسر حاڵى بهمشێوهيه بێت بۆ خوا پێتان دهڵێم، ميسر پێش ئهوهى ههڵبژاردنى سهرۆكايهتى كۆمار ئهنجام بدات، برنج و شهكر و چهندين شتى ديكهى هاوردهى دهرهوه دهكرد، ئێستا تێمان بگهيهنن چى دهگوزهرێت، ئهمانه بۆ كوێ رۆشتن".
بهردهوام دهبێت لهقسهكانى و دهڵى: "كاتێك گهلى ميسر سهيرى تهلهفزيۆن دهكات ميسر وهكو ڤيهننا دێته بهرچاوى، بهڵام كاتێك دێته سهر شهقام كچى مامى سۆماڵ دهبينێت".
گوتيشى: "ئهو قهيرانهى ئێستا ميسر تێيكهوتووه خۆى له سێ لايهن دهبينێتهوه تاوهكو ئهم سێ لايهنه باش نهكرێ ميسر ههروا دهمێنێتهوه، ئهوانيش خوێندن و تهندروستى و كشتوكاڵ".
ئهمه پوختهى قسهكانى ئهم گهنجهبوو، وايكرد كاردانهوهيهكى زۆرى لهتۆڕه كۆمهڵاييهتييهكان بهدواى خۆيدا بهێنێت و بهخێرايى بڵاو ببێتهوه.
دهزگا ئهمنييهكان لهترسى دووباره بوونهوهى خۆپيشاندان لهميسر، لهههوڵى سڕينهوهى ڤيديۆكهدان و داواشيان لهكهناڵى "الحياة" كرد ئهم گرته ڤيديۆيه دووباره نهكاتهوه.
دواى بڵاوبوونهوهى لهتۆڕه كۆمهڵايهتييهكان، چالاكوانانى ميسر داوا دهكهن سهرهتاى مانگى داهاتوو بۆ دهربڕينى ناڕهزاييهتى بهرامبهر رهوشى ئابوورى وڵاتهكهيان، خۆپيشاندان ئهنجام بدهن.
k24-