هاوپه‌یمانان حه‌وت بیره نه‌وتی داعش خاپورده‌كه‌ن
وه‌زاره‌تی به‌رگری ئه‌مریكا رایگه‌یاند، له‌چوارچێوه‌ی هێرشه‌كانی هاوپه‌یمانی نێوده‌وڵه‌تی دژی داعش رۆژی پێنجشه‌ممه ئه‌مریكاو هێزه‌كانی هاوپه‌یمانان به‌رده‌وام وون له هێرشه‌كانیان له‌دژی داعش له عێراق و سوریا.
له‌و چوارچێوه‌یه‌دا فڕۆكه‌جه‌نگیه‌كان 13 هێرشی ئاسمانیان له هه‌ریه‌كه له‌سوریاو عێراق ئه‌نجامداوه له‌وانه له‌نزیك ئه‌لبوكه‌مال كه هێرشێكی ئاسمانی رێگه‌یه‌كی گه‌یاندنی كه‌ل و په‌ل و شمه‌كی بۆ داعش كردۆته ئامانج، شه‌ش هێرش ئاسمانی له‌نزیك شه‌دادی كه چوار پێگه‌ی سه‌ربازی له‌ناوبردووه له‌گه‌ڵ له‌ناوبردنی جبه‌خانه‌یه‌گی سه‌ربازی و ئۆتۆمبیلێك.
هه‌ر له‌سوریا شه‌ش هێرشی ئاسمانی دیكه له‌لایه‌ن فرۆكه جه‌نگیه‌كانی ئه‌مریكاو هاوپه‌یمانان له‌نزیك عه‌ین عیسا و دیرئه‌لزورو پاڵمیا ئه‌نجامدراو كه تیایاندا حه‌وت بیره نه‌وتی داعش و دوو ئۆتۆمبیل و چه‌ندین پێگه‌ی سه‌ربازی داعش خاپوركراون.
سه‌باره‌ت به عێراق، فڕۆكه جه‌نگییه‌كان نۆ هێرشیان له‌عێراق ئه‌نجامداوه به‌هاریكاری و پشتیوانی حكومه‌تی عێراق، كه هێرشێكیان له نزیك روتبه ئه‌نجامدراوه‌و ئۆتۆمبیلێك تێكشكێنراوه، هه‌روه‌ها له‌نزیك كیسك دوو تونێلی داعش له‌ناوبراون و له‌نزیك موسڵ و سوڵتان عه‌بدوڵا جبه‌خانیه‌كی كیمیایی و چه‌ندین ئۆتۆمبیل و تونێل و پێگه‌و حه‌شارگه‌ی داعش و كارگه‌ی چه‌ك و ته‌قه‌مه‌نی و دوو به‌له‌م له‌ناوبراون.
هاوپه‌یمانی نێوده‌وڵه‌تی دژی داعش به‌سه‌رۆكایه‌تی ئه‌مریكا له 19 ی ئه‌یلولی ساڵی 2014 ه‌وه ده‌ستیكردووه به ئه‌نجامدانی هێرشی ئاسمانی له‌دژی چه‌كدارانی داعش له‌عیراق و سوریا.
لەیەك ساڵی رابردوودا پەنجا هەزار هێرش كراوەتە سەر داعش كە زیاتر لە 30 هەزار بۆمب بەكارهاتووە، كە لە سێ بەشدا دوو بەشی لەعیراق بووەو بەشێكیشی لە سوریا بووە.
خه‌ندان
