Li bajarê Silêmanî yê Başûrê Kurdistanê du birayan rekorekî nû tomar kirin. herdu birayan di bilindahiya 3 hezar metre de, li ser pereglayder tavle lîstin.

Ev yekemîn car e, ku tîma firokevanî ya Silêmaniyê dixwaze nimayîşekî balkêş bike. Ev nimayîş jî lîstoka di nava lîstokê de ye. Herdu bira, Huner û Herêm Qadir bi peraglayder ji ser Çiyayê Goyje firîn û 80 xulekan li esmanên Silêmaniyê man. Ya herî balkêş jî ew bû, ku herdu birayan li esmanan tavle lîstîn.

Huner Qadir xwedî ezmûna 4 sal firînê ye û li derveyêi Kurdistanê beşdarî çendîn xulên rahênanan bûye.

Ji bo bikarin li esman tavle bilîzin, pêwîste leza çûna wan ji 35 pile zêdetir nebin da ku bikarin kontrola tevgerên xwe û venîştinê wenda nekin.

Tîma firokevanî ya Silêmaniyê dixwaze ev lîstok tenê di bi werzîşvanan ve sînordan nebe, herwiha hemwelatî û geştiyar jî bikarin heman tam û çêjê ji firînê werbigrin.

Tîma firokevanî ya Silêmaniyê di sala 2009ê de hatiye damezrandin û yekemîn yaneya tîma firokevanî ya Herêma Kurdistanê ye.

Rudaw