ژاراویبوون بە قورقوشم Lead poisoning ڕوو دەدات پاش بەركەوتن بە ڕێژەی بەرزی قورقوشم. قورقوشم كانزایەكی قورسی ژەهراوییە، بە شێوەیەكی سرووشتی بە بڕی كەم لە توێكڵی زەویدا هەیە. سەرچاوە دسەتكردەكانی قورقوشم: بۆیە، شووشەی بۆیەكراو، شووشەی كریستاڵی، قاپوقاچاغی سیرامیك، لوولەی قورقوشمی. لەوانەیە كە هەر كەسێك تووشی ژاراویبوون بە قورقوشم ببێت، بەڵام منداڵانی ژێر شەش ساڵی زیاتر تووشی دەبن لەوكاتەی كە لەشیان لە گەشە و پەرەسەندندایە. هەندێك جار ژاراویبوون بە قورقوشم لە منداڵ و گەورەكاندا بێ نیشانەیە، نیشانەكان پاش بەركەوتن بە ڕێژەی بەرزی قورقوشم بە چەند هەفتەیەك تا چەند مانگێك ئینجا دەردەكەون. نیشانەكانی ژاراویبوون بە قورقوشم لە منداڵدا: سك ئێشە، ڕشانەوە، ناڕەحەتیی جەستەیی و زیادبوونی چالاكیی جەستەیی، گرفت لە فێربووندا، گۆڕن لە ڕەوشت، سەرئێشە، هەستكردن بە ماندووبوون، هەروەها كەمخوێنی. نیشانەكانی ژاراویبوون بە قورقوشم لە گەوراندا: سەرئێشە، سك ئێشە، گۆڕان لە كەسێتیدا، كەمخوێنی، هەروەها نەزۆكی.