جەلتەی مێشك Stroke بریتییە لە وەستانی گەیشتنی خوێن بە بەشێكی مێشك كە هۆكارە بۆ مردنی خانەكان كە لەوانەیە ببێتە هۆی گرفت لەو بەشانەی مێشكدا كە كۆنترۆلی ماسوڵكەكان و توانای یاد و قسەكردن دەكەن. بەم چەند هەنگاوە دەتوانیت كە خۆت لەجەلتەی مێشك بپارێزیت: چاودێریكردنی پەستانی خوێن كە هۆكاری سەرەكیی جەلتەیە و واباشترە كە نزمتر بێت لە 120/80 ملم جیوە، ئەنجامدانی مەشقی وەرزشی كە رۆڵی هەیە بۆ كۆنترۆلكردنی كێشی لەش و پەستانی خوێن، پەیڕەوكردنی هەنگاوەكانی سووككردنی سترێس، پێویستە كە كێشی لەش لەژێر كۆنترۆلدا بێت لەوكاتەی كە كێشی زیاد و قەڵەوی هاندەرن بۆ تووشبوون بە شەكرە و بەرزبوونەوەی پەستانی خوێن،پشكنینی كۆلیسترۆلی خوێن بە شێوەیەكی دەوری لەگەڵ چاودێریكردنی خۆراكی رۆژانە بەتایبەتی كەمكردنەوەی چەورییە تێرەكان و دووركەوتنەوە لە چەورییە نێوەندیەكان (چەورییە گۆاوەكان Trans fats)، هەروەها دووركەوتنەوە لە جگەرەكێشان و خواردنەوە ئەلكهولییەكان.