یەکبوون: وڵاتانی دەوروبەری كوردستان كاریگەرییان لەسەر هونەری كوردی هەیە
![یەکبوون: وڵاتانی دەوروبەری كوردستان كاریگەرییان لەسەر هونەری كوردی هەیە](https://gulanmedia.com/public/images/posts/20240703211502_original_17.jpg )
یەكبوون خەڵكی شاری مێردینە یەكێكە لە سەدان كچە گۆرانیبێژانی باكووری كوردستان كە بە شێوەیەك گۆرانی دەڵێ، هەر كەسێك گوێی لێبێت هەست بە ڕەسەنایەتیی هونەری كوردی دەكات.
![یەکبوون: وڵاتانی دەوروبەری كوردستان كاریگەرییان لەسەر هونەری كوردی هەیە](https://gulanmedia.com/public/images/posts/20240703211517_big_770x552_47.jpg )
لە بارەی ئاستی هونەری كوردی بە گشتی و لە باكووری كوردستان بەتایبەتی دەڵێت: «هەر پارچەیەكی كوردستان كاریگەریی هونەری ئەو وڵاتەی بەسەرەوەیە كە داگیری كردووە، لە سووریا و عێراق هونەری كوردی لەژێر كاریگەریی هونەری عەرەبیدایە، لە ئێران هونەری فارسی و لە توركیاش هونەری توركی كاریگەرییان بەسەر هونەر كوردییەوە هەیە، پێویستە موزیكی ئەلتەرناتیڤ بەشێوە و ناوەرۆك هەبێت، بەڵام لە تەك هەر شتێكی باش شتی خراپیش هەر دەبێت، بۆ ئەوەی مرۆڤ بتوانێت بە باشی لە جیاوازیی نێوان شتە باش و خراپەكان بگات و بیانناسێتەوە».
سەبارەت بە مافەكانی ئافرەتی كوردیش دەڵێ: «هەست دەكەم لە وڵاتی ئێمە ئافرەت ئاواتەكانیان ون دەكەن و دەیانكوژن، هەر كەسێك بە خۆی بڵێ من مرۆڤم، پێویستە ئاگاداری دەوروبەری خۆی بێت و بیگۆڕێت و كارێكی وا بكات كە چۆن پیاو مافی هەیە، بەو شێوەیە ئافرەتیش مافی هەبێت و بتوانن زانست بەدەست بهێنن و تەنیا نەبن بە خزمەتكاری ماڵەكانیان، چونكە ئەو كاتە بەسەرچووە، ئێستا خەڵك وشیارە و ئابووریی ئێمە باشتر بووە و كەس ناتوانێت پشتی كورد بشكێنێت».