هایا محەمەدی خانمە گۆرانیبێژی ڕۆژهەڵاتی كوردستان,بەرهەمێكی نوێی گۆرانی بەشێوەی ڤیدیۆ كلیپ بڵاوكردەوە.

هایا لە كەناڵی فەرمی خۆی لە تۆڕی ڤیدیۆیی یوتیوب گۆرانییەكی نوێی بەناوی(گوڵبژێر) بڵاوكردەوە كە ماوەی ئەم بەرهەمە 9 خولەكەو لە سێ گۆرانی فۆلكلۆری كوردی پێكدێت كە ئەوانیش(شیرینە سەوزە-ئای بێنن بێنن-ئەو چاوانەی هەڵیان دێنی),هەروەها ڤیدیۆ كلیپی ئەم بەرهەمە لە فامیلی مۆڵی شاری سلێمانی وێنەگیراوە كە لە شێوەی كۆنسێرتێكی كراوەیە و بەشێك لە ئامادەبووانی شوێنەكە دەچنە نێو هەڵپەڕكێی ڤیدیۆ كلیپەكەوە.

گوڵان-ئاسۆ كاكەیی