هێمن حەمەساڵح گۆرانی(كۆچ)ی بڵاوكردەوە
ئەگەرچی لە چەند هەفتەی ڕابردوودا لە هەژماری تایبەتی خۆی لە بەشی ستۆری لە تۆڕی كۆمەڵایەتی ئەنستگرام بەرهەمێكی نوێی گۆرانی بەناوی(شاژن) بەهەوادارانی ناساند,بەڵام دواجار گۆرانیبێژ و موسیزیانی كورد(هێمن حەمەساڵح) بەرهەمێكی دیكەی گۆرانی بەشێوەی دەنگ بڵاوكردەوە .
هێمن حەمە ساڵح لە كەناڵی خۆی لە تۆڕی ڤیدیۆیی یوتیوب گۆرانییەكی نوێی بەناوی (كۆچ) بڵاوكردەوە كە هێمن خۆی تێكست و مێلۆدییەكەی ئامادەكردووەو (موحسین ئەریوان) كاری میكس و ماستەرینگی گۆرانییەكەی ئەنجامداوە .
گوڵان-ئاسۆ كاكەیی