حەسەن شەریف ڤیدیۆ كلیپێكی نوێی بڵاوكردەوە
گۆرانیبێژ و ئاوازدانەری دیاری كورد (حەسەن شەریف) بەرهەمێكی نوێی گۆرانی بەشێوەی ڤیدیۆ كلیپ بڵاوكردەوە, كە لە چەند شوێنێكی كوردستان كاری وێنەگرتنی ئەنجامدراوە وەك سەر قەڵای هەولێر و دەوروبەری شاری دهۆك و زاخۆ .
حەسەن شەریف لە چانێڵی تایبەتی خۆی لە تۆڕی ڤیدیۆیی یوتیوب بەرهەمێكی نوێی گۆرانی بەناوی(بانگا بڵند) بڵاوكردەوە, كە مێلۆدییەكەی بە هاوبەشی حەسەن شەریف و (هاروون ئەلكی) ئامادەكراوەو (ئەمین بۆتانی) تێكستەكەی نووسیوەتەوە, هەروەها (شینوار كەمال) كاری دەرهێنانی ئەنجامداوە .
ئاسۆ كاكەیی
