نێچیرڤان بارزانی سه‌رۆکێ هه‌رێما کوردستانێ پیرۆزبایی له ئێزدییان ده‌کات
جه‌ژنا ڕۆژى يێن ئێزى ب گه‌رمى ل ڕێزداران میر و جڤاتا ڕووحانی و ته‌ڤایا خوشك و برايێن مه یێن ئێزدى ل كوردستانێ، عيراقێ و ل هه‌ر جهه‌کێ بن، پیرۆز دکه‌م. هیڤییا جه‌ژنه‌كا خۆش و بێهنڤه‌دانه‌كا ئارام و ته‌نا بۆ هه‌میا دخوازم.
خوشك و برايێن مه يێن ئێزدى پشتڕاست دکه‌ین کو کوردستان دێ هه‌ر مینیت وه‌لاتێ پێکڤه‌ژیانێ بۆ هه‌می پێکهاته‌یان و دێ هه‌ر پشته‌ڤان و پارێزڤانێن ماف و داخوازێن وان یێن ڕه‌وا بين، هه‌روه‌سا دێ هاریکار بین بۆ باشترکرنا ڕه‌وشا ژیانا وان و ئاڤه‌دانکرنا ده‌ڤه‌رێن وان.
جه‌ژن ل هه‌میا پيرۆز بيت، هه‌ر سال ب خێر و خۆشى.
نێچیرڤان بارزانی
سه‌رۆکێ هه‌رێما کوردستانێ
٢٠٢٤/١٢/١٩
