هونەرمەند یەکبوون بو گوڵان: وه‌ك ئەرك دخوازم پیتر لسه‌ر زمانێ خوه كار بكەم
هونەرمەند یەکبوون ژ بلی کو گرنگییەکا زور ب هونەرێ رەسەنێ کوردی ددەت د هەمان دەمدا گرنگییەکا زور ب موزیکا کوردیش ددەت، ئەو ب رێکا سۆشیال میدیایا خو هەردەم د گەل هەوادار و حەز ژێ کرێین دەنگێ خوە د پەیوەندێیدا بیت. ل دەرفەتەکێدا مە رووبرووی چەند پرسیارەکێن هونەری کر و ب ڤی رەنگی بەرسڤا مە دا.
دیدار: خەلیل بلەیی
* تو بوچی یا دویری ل كارێن هونەری؟؟
- ب راستی گه‌له‌ك جاران دبێژن ته ژ كارێ هونه‌ری خوه دوور خستیه لێ نه وسا یه. گه‌ر كوو مرۆڤ دووری وه‌لاتێ خوه به چالاكبوونا مرۆڤ ژی كێم دبه. وه‌كی دن هه‌تا به‌ری ساڵه‌كه من قه‌ت گرینگی نه‌ددا سۆشیال میدیاێی. ژ بۆ وێ كارێ کۆ من دكر خویا نه‌دكر. نها ئەز پتر هه‌ول ددم كوو به‌رهه‌مێن خوه بینم بیرا گوهدارڤانێن خوه و به‌رهه‌مێن نوو پارڤه بكەم.
*کۆرۆناێی چ باندورە هەبوو لسەر هونەرێ کوردی هەبوو؟
- کۆرۆنا نه ته‌نێ هونه‌را كوردی ل سه‌ر مرۆڤاهیێ باندۆره‌ك گه‌له‌ك نه‌خوه‌ش هێشت. ژ بۆ كارێ هونه‌ری وه‌كی کۆ هوون دزانن تو مسۆگه‌ری ئان سگۆرتا كه‌سێن كوو ب كارێ هونه‌ری مژوول دبن توننه‌یه. كه‌سێن كوو ژیانی خوه ب كارێ هونه‌ری دكەن په‌ریشان بوون.
* تو چەند گرنگێی ب سۆشیال میدیاێی ددەی؟
- وه‌كی من سه‌ری ده بەحس كر، من گه‌له‌ك گرینگی نه‌ددا سۆشیال میدیا. نها نرخێن هونه‌رمه‌ندا مخابن ب هه‌ژمارا شۆپینه‌ران تێ داین. ئەز ژی نها هه‌ول ددم كوو ل سه‌ر مالپه‌را خوه یا فه‌رمی چالاك بم. لێ بێگومان هنه‌ك كه‌س “شۆپینه‌ران” دكرن. ئەز ب خوه ریه‌ك واها ناخوازم هەلبژێرم. دخوازم كوو شۆپینه‌رێن من راستی بن. هه‌روەها، ژ بۆ من بكار ئانینا میدیایا جڤاكی زه‌حمه‌تە ژ بۆ شۆپینه‌رێن من ژی تشته‌ك نویە. ل گۆر هه‌ژمارا شۆپینه‌ران كه‌سێن كوو فیدباكێ ددن گه‌له‌ك كێمن. ئان ل سه‌ر یۆوتوبه من ستاتستكا خوە نە‌ری گوهدارڤانێن من 90% ی ئابۆنه نه. ژ بۆ مه پلاتفۆرمه‌ك گه‌له‌ك گرینگە. مرۆڤ دیره‌كت خوه دگهینه گوهدارڤانێن خوه.
* رەوشا هونەرێ کئردی چەوا دبینی؟
- ل گۆر من ره‌وشا چاند و هونه‌را كوردی ته‌ڤی كوو بێ ده‌رفه‌ت و بێ سه‌كتۆر ئە ژی، مرۆڤ دكاره بێژه ئاسته‌ك گه‌له‌ك باش دا‌یه. مرۆڤ نكاره كورد و وه‌لاتێن ئازاد و سه‌ربخوه بده به‌ر هه‌ڤ. راستیه‌ك هه‌یه ئەم د ناڤ سسته‌ما دنیایێ ده نه ملله‌ته‌ك فه‌رمینه. ژ بۆ وێ ژی سه‌ركه‌فتنێن مه هه‌ر جار ل سه‌ر عێراق، ئیران، سوریا و توركیا تێ حه‌سباندن. مرۆڤ دڤێ ڤێ ژ بیر نه‌كه. ئەم چقاس ره‌وشه‌نبیر و هونه‌رمه‌ندێن خوه بچووك بكەین ئەمێ وه‌ك ملله‌ت ژی نه‌بین چ. دڤێ ئەم وه‌ك وه‌لاتێن شارەزا قیمه‌تێ بدن هه‌ڤ.
*پێتڤییە هونەرمەندێن کورد چح بکەن ژ بو پێشخستنا هونەرێ کوردی؟
- ئەز دبێژم هونه‌رمه‌ندێن كورد ل گۆر ده‌رفه‌تا خوه كارێن پر باش دكن. داخوازیا منا هه‌ری مه‌زن ئەوه كوو ئەم ده‌ڤ ژ گازنان به‌ردەین و خه‌یالێن مه‌زن بكەین. زۆری بدن ده‌ردۆرا خوه و دوو خه‌یالێن خوه هه‌رن. نه‌بێژن كه‌س فاهم ناكە یان ملله‌ت نه حازر ئە. هوون بئافرینن، ئیرۆ نه‌به چه‌ند سالێ دن ئەو به‌رهه‌م وێ بێ دیتن.
* ئاریشێن هونەرێ کوردی چنە؟
- پرسگرێكا هه‌ری مه‌زن ئەوه كوو ئەم خوه و ده‌ردۆرا خوه گه‌لەكی بچووك دبینن. دڤێ سه‌ری ده ئەم ژ خوه و ده‌ردۆرا خوه باوه‌ر بین. قیمه‌تێ بدەین ده‌ردۆرێ. پۆزەتیڤ بنێرین. ل سه‌ر كێماسیێ خوه بسه‌كنن. ئالیكاریا هه‌ڤ بكەین. نه‌هێلن كه‌س نه‌هه‌قی ببینه.
* باندورا تەکنۆلۆژیایی ل سەر هونەرا کوردی ب گشتی باش بووە یان نەرێنی بوویە؟
- ب راستی ژی ته‌كنۆلۆژیا ؛ۆ نها هه‌یه ژ بۆ مه گه‌لكی باشە. مرۆڤ دكاره ب ته‌له‌فۆنه‌كه خوه بگەهینه داویا دنیایێ. به‌س ئەم دڤێ خوه هینی ڤێ سسته‌مه بكن كوو ته‌كنۆلۆژیه ژ بۆ به‌رژه‌وه‌ندیا خوه و ژ بۆ مڵه‌تێ خوه بكار بینن. ته‌نێ لسه‌ر سۆشیال مه‌دا مرۆڤ دكاره شۆره‌شه‌ك رێڤه ببه. گه‌ر كوو هوون باش بشۆپینن ژیانا خوه دكارن هێسانتر بكن. مرۆڤ دڤێ ژ ته‌كنۆلۆژیێ نه‌ره‌ڤه نه‌ترسه لێ کۆنترۆلا خوه ژی وندا نه‌كه.
* ب نەڕینا تە چ دەمی هونەرمەندێ کورد دکارە ب رێیا هونەرێ ژیانا خو مسوگەر بکەت؟
- ئەز باوه‌ر دكم ب ریا موزیكێ مرۆڤ نها نكاره ب هێسانی ژیانا خوه مسوگەر بكه. ئەڤ تشت گرێدایی سسته‌مه‌كی یه. ئەو سسته‌م ژی بێیی ده‌وله‌تبوون، ته قه‌بوول ناكه. ده‌وله‌ته‌ك سه‌ربخوه ژی مخابن توننه.
* هونرمەندێن کورد ب ڕێیا زمانێن دی وەک عەرەبی، فارسی، تورکی یان هەر زمانەکێ دی دکاریت پتر خزمەتا هونەر و چاندا کوردە بکەت؟
- ل گۆر كوو ئەز دزانم گه‌ر هونه‌رمه‌نده‌ك كورد، سترانێن بیانی بسترێ وێ خزمه‌تا وی زمانی بكه لێ دكاره وه‌ك هونه‌رمه‌نده‌ك كورد بێ ناسین “گه‌ر كوو خوه وه‌ك كورد بده ناسكرن.” ئەز كه‌سێ گۆ عەره‌بی، فارسی یان تركی دسترێ ره‌خنه ناكم. بێگومان ئەو كه‌س دكاره بێتر ره‌وشا خوه باش بكه و ده‌رفه‌تێن باش ببینه. لێ ئەز ب خوه وه‌ك ئەرك دخوازم کۆ ل سه‌ر زمانێ خوه پیتر كار بكەم.
گه‌له‌ك سپاس ژ بۆ ئەڤ پرسێن ده‌لال و خوه‌ش. سلاڤ ژ بۆ خوه‌نده‌كارێن كۆڤارا گولانێ...
