وەزارەتى داراییی حكوومەتى هەرێمى كوردستان بڕیارێكى دەكرد كە تێیدا هاتووە ئەو فەرمانبەرانەی لە ساڵی 2004 بۆ 2010 خانەنشین كراون، خزمەتی ساڵێك و نۆ مانگ بخرێتە سەر ڕاژەكانیان بەو پێیەش مووچەی خانەنشینیەكەیان زیاد دەبێ .

بەپێی رێنوێنى ژمارە (22) بە نووسى وەزارەتی دارایی كە ئیمزاى بایز تاڵەبانى وەزیری دارایی لەسەرە و رەوانەى سەرجەم وەزارەتەكانی حكوومەت كراوە و وێنەیەكى دەست ئاژانسى كوردستان بۆ دەنگوباس (ئاكانیوز) كەوتووە.

لە نووسەكەدا هاتووە \"دوابەدوای رێنوێنیەكانى ژمارە (32)ی ساڵی 2011 و بڕگەی (7)ی رێنوێنیمان ژمارە (2)ی ساڵی 2012، پێتان ڕادەگەیەنین ئەو فەرمانبەرانەی پاش 2004/1/1 تا 2010/12/31 خانەنشینكراون شایستەی هەمواركردنەوەی سەرمووچە یان پلە بەرزركردنەوە دەبن و بەپێی شایستەبوونیان ماوەی یەك ساڵ و نۆ مانگ دەخرێتە سەر راژەكانیان هاوشێوەى ئەو فەرمانبەرانەی كە لە دەوام بەردەوامن \""."