چوار پارتیی باکووری کوردستان(بەدەپە، کادەپە، هاک – پار و ئۆسپ)، لە کۆبوونەوەیەکیاندا پشتیوانیی خۆیان بۆ کوردانی ڕۆژاوا ڕاگەیاند و هیوایان خواست کە یەکیەتیی نێوانیان بپارێزن. سەرۆکی کادەپەیش داوای لە کوردانی سووریا کرد پابەندی پەیماننامەی هەولێر بن کە سەرۆکی هەرێمی کوردستان سەرپەرشتیی کرد.
لە کۆبوونەوەکەدا سەرۆکی هاک - پار، کەنان کزل، پشیوانیی کوردانی باکووری بۆ خەباتی کوردانی ڕۆژاوا ڕاگەیاند و هەر دەستوەردانێکی تورکیایشی لە کاروباری کوردانی ڕۆژاوادا بە ناڕەوا ناو برد.



هاوکات سەرۆکی کادەپە، جوان ڕۆژ، داوای لە پارتییە کوردییەکانی رۆژاوا کرد کە بە ڕێککەوتننامەی هەولێرەوە پابەند بن کە بە سەرپەرشتیی سەرۆکی هەرێمی کوردستان، مەسعوود بارزانی، واژۆ کراوە.