به‌پێی ئه‌و ئاماره‌ی له‌ سه‌رچاوه‌ هه‌واڵییه‌كانی توركیادا بڵاو كراوه‌ته‌وه‌، شاری وان له‌ ماوه‌ی 3 رۆژی رابردوودا 356 جار به‌ هۆی بومه‌له‌رزه‌وه‌ هه‌ژاوه‌، به‌پێی ئامارێك كه‌ له‌ ئاژانسی فوراتدا بڵاوكراوه‌ته‌وه‌، به‌رزترین پله‌ی رێكخته‌ر به‌ 7.2 و نزمترین پله‌ی رێخته‌ریش 3 پله‌ تۆمار كراوه‌.
هه‌روه‌ك ده‌ستنیشانی رۆژه‌كانی كردووه‌ كه‌ تێیدا چه‌ندین جار بومه‌له‌رزه‌ ئه‌و شاره‌ی هه‌ژاندووه‌، له‌ رۆژی 23/10 شاری وان 104 جار هه‌ژاوه‌، هه‌روه‌ها له‌ رۆژی 24/10 ئه‌و شاره‌ 159 جار هه‌ژاوه‌ و ئه‌مڕۆش سێ شه‌ممه‌، 93 جار بومه‌له‌رزه‌ شاری وانی هه‌ژاندووه‌ كه‌ به‌رزترین پله‌ی رێخته‌ر له‌مڕۆدا 5.4 پله‌ و نزمترین پله‌ش 3.0 پله‌ی رێخته‌ر بووه‌.