به‌ڕێز مه‌سعوود بارزانی سه‌رۆكی هه‌رێمی كوردستان به‌ بۆنه‌ی كاره‌ساته‌كه‌ی شاری وان له‌ برووسكه‌یه‌كدا هاوخه‌می خۆی و گه‌لی هه‌رێمی كوردستانی بۆ عه‌بدوڵڵا گویل سه‌رۆك كۆمار و ڕه‌جه‌ب ته‌ییب ئه‌ردۆگان سه‌رۆك وه‌زیرانی توركیا ده‌ربڕی ئه‌مه‌ ده‌قه‌كه‌یه‌تی: بۆ به‌ڕێزان عه‌بدوڵڵا گویل سه‌رۆك كۆماری توركیاو ڕه‌جه‌ب ته‌ییب ئه‌ردۆگان سه‌رۆك وه‌زیرانی توركیا.

به‌ داخێكی زۆره‌وه‌ هه‌واڵی بوومه‌له‌رزه‌كه‌ی شاری وان و ده‌وروبه‌ریم بیست، كه‌ به‌ هۆیه‌وه‌ ژماره‌یه‌كی زۆر له‌ هاووڵاتییان بوونه‌ قوربانی و زیانێكی زۆریشی گه‌یاندووه‌.

به‌م بۆنه‌ خه‌مناكه‌وه‌ هاوخه‌می خۆم و گه‌لی هه‌رێمی كوردستان ده‌رده‌بڕم و سه‌ره‌خۆشی له‌ ئێوه‌و كه‌سوكاری قوربانییان ده‌كه‌م. له‌خوای گه‌وره‌ داواكارم سه‌بووریتان بدات و قوربانییان به‌ به‌هه‌شتی به‌رین شاد بكات و هیوای چاكبوونه‌وه‌ش بۆ برینداران ده‌خوازم.

مه‌سعوود بارزانی
سه‌رۆكی هه‌رێمی كوردستان
23/10/2011