هه‌ولێر.. به ئاماده‌بوونى سه‌رۆكى هه‌رێمی كوردستان یه‌كه‌مین فێستیڤاڵى كولتوورى كۆریاى باشوور ده‌ستى پێكرد
له‌سه‌ره‌تای فێستیڤاڵه‌كه‌دا باڵیۆزی كۆریای باشوور له عیراق وتارێكی پێشكه‌ش كرد تێیدا ئاماژه‌ی به‌وه كرد كه یه‌كه‌مین جاره ئه‌م جۆره فێستیڤاڵه كولتوورییه‌ی كۆریای باشوور له هه‌رێمی كوردستان پێشكه‌ش ده‌كرێت.
روونیشی كرده‌وه كه په‌یوه‌ندییه رۆشنبیری و كولتووری و ئابوورییه‌كانی نێوان كۆریای باشوورو هه‌رێمی كوردستان له ساڵی دوو هه‌زارو چواره‌وه ده‌ستیان پێكرد كاتێك تیمی زه‌یتوون هاته كوردستان و له بواری بنیاتنان و ئاوه‌دانكردنه‌وه چه‌ند پرۆژه‌ی كرد و جه‌ختیشی له‌سه‌ر پێویستی توندوتۆڵ كردنیان كرد.
