مەسرور بارزانی پێشوازیا خانما (لورێتا سانچێز ) ئەنداما کونگرێسا ئەمریکا ژ ئالایەتا کالیفورنیا دکەت
دروینشتنەکا دوستانەدا کو هێمن هەورامی ئەندامێ ئەنجومەنێ سەرکردایەتیا پارتی دیموکراتی کوردستان و بەرپرسێ تێکەلیێن دەرڤە بەرهەڤبووی،مەسرور بارزانی ب تێروتەسەلی بەحسێ رەوشا کوردستانێ و عیراقێ و دەڤەرێ و نویترێن کاودان و پێشهاتێن هەی کرن و خوشحالیا خۆ هەمبەر سەرەدانێ دەربری ژپێخەمەت پتر لێک تێگەیشتن دنێڤبەرا سەرکردایەتی و گەلێن هەردوو ئالیێن کوردستان و ئەمریکا.
هەردلایەکێ دێ یێ ئاخافتنێن خودا رێزدار مەسرور بارزانی هەلویستێ دیارێ کوردستانێ دووبارەکرەڤە دبارا ڤەکێشانا هێزێن ئەمریکا ژ عیراقێ کو ل بەرە ل داوویا ئیسال بدیماهی بێت و گوت بدیتنامە ل کوردستانێ هێشتا ئەو گەفێن لسەر ئێمناهی و پاشەرۆژا عیراقێ زوورن و بداوی نەهاتینە و هەروسا ئاستێ لوجیکی و شیانێن هێزێن عیراقێ نەل ئاستێ پێتڤی نەو نەشێن بەرسنگرتنا وان گەفا بکەن ئەوێن ژلایێ هندەک لایەنێن نافخوییێن دژی پروسێسا دیموکراسیا ل عیراقێ تێنەئەنجام دان زێدەباری پشتەڤانی و مایتێکرنا لایەنێن هەرێمایەتی و نێڤ دەولەتی .لەوما بدیتنامە ڤەکێشانا هێزێن ئەمریکا نەدویرە ببیتە ئەگەرێ سەرهلدانا شەرێ نافخۆیی ل عیراقێ و هەلبەت دێ بیتە گەفەکا مەزن لسەر پروسێسا دیموکراسی ل عیراقێ و دەڤەرێ زێدەی هندێ کو ئەف چەندە دێ ب زەرەر و زیانا هەمی خەلکێ عیراقێ بدیماهی ئێت.
دبارا داویێن پێشهاتێن دنێڤبەرا تورکیا و ( پ ک ک) دا ،مەسرور بارزانی زێدەباری راگەهاندنا خەمباریاخۆ هەمبەر وێ رویدانا دلتەزین ئەوا ل دەڤەرا هەکاری روودای دەربری،دیسان هەلویستێ نەگۆرێ کوردستانێ و سەرکردایەتیا پارتی دیموکراتی کوردستان دووپاتکرەڤە و داخاز ژهەردوو ئالیاکر دەست ژ توندوتیژیێ بەردەن و برییا دیالوکێ و روینشتنێن ئاشتیانە کێشەیێن دنێڤبەرا خۆدا چارەسەربکەن گوت ئەم بباوەرین ب رییا شەر و کوشتارا ئەف کێشە نەک تنێ چارەسەرنابیت بەلکو دێ پتر ئالوزبیت و هژمارەکا زێدەترا قوربانیا ژهەردوو ئالیا دێ هێن داین.
ژلایێ خۆڤە خانما لورێتا سانچێز سوپاسیا وێ پێشوازیا گەرم کر یاکو لێ هاتیەکرن و گوت ئەڤە دەربرینە ژئاستێ گەرمی و دوستاتیا پەیوەندیێن هەردوو سەرکردایەتی و گەلێن کورد و ئەمریکا و خویاکر ئەو باش دهەلویستێ کوردان دگەهن دبارا ڤەکێشانا هێزێن ئەمریکا ژعیراقێ و دیتن و نێرینێن وە دڤی بواری و هەروەسا دبارا پاشەرۆژا عیراقێ و دەڤەرێ دا جهێ پیتەپێدانا وانە ل ئەمریکا و گوت ژبەرکو هین دوستێن نێزیکێن مەنە لەوما ئەم دخازین راستیا ژوە گوهلێبین پێخەمەت ببنە شەنگستە و بەرێ بنیاتێ بۆ پلان دانان و لڤین و چالاکیێن وان یێن سیاسی هەمبەر پاشەرۆژا وان و گەلێن ل دەڤەرێ و کێشەیێن هێشتا هەلاویستی مانە و ژهەمیا گرنگتر ئەو گەفێن راستی ل سەر پروسێسا سیاسی و دیموکراسی و تەناهی و ئێمناهیا خەلکێ عیراقێ و دەڤەرێ هەین و جهێ پیتەپێدانا ئەمریکانە.
هەروەسا داخازکر کو سەرکردایەتیا کوردستانێ ب گشتی و جەنابێ سەروک بارزانی ب تایبەتی بەردەوامیێ ب رۆڵێ خۆیێ گرنگ بدەن نەخاسمە پاراستنا هەڤسەنگیا سیاسی ل عیراقێ و بەردەوامیا پروسێسا سیاسی گوت ئەم ل وێ باوەرێ شاشی ژلایێ مەڤەژی هاتینەئەنجامدان وەلێ دخازین بێژین کو ئەم دوستێن هەڤین و هیڤیا پتر پێشڤەچونێ و ئاڤەدانکرنێ و تەنا و ئارامیێ و پاشەرۆژەکا گەش بۆ کوردستانێ خاستن.
