سەرچاوەیەك لە ئەنجومەنی وەزیرانی عێراق ئاشكرایی كرد سەرۆك وەزیرانی عێراق گڵۆپی سەوزی بۆ سوپای توركیا هەڵكردوە بەمەبەستی بۆردومانكردنی خاكی هەرێمی كوردستان.

سەرچاوەیەك لە ئەنجومەنی وەزیرانی عێراق بە ئاژانسی شەتولعەرەبی راگەیاندوە: لەچەند رۆژی رابردودا نوری مالیكی سەرۆك وەزیرانی عێراق چاوی بە ژمارەیەك بەرپرسی باڵای سەربازی توركیا كەوتوە و رەزامەندی حكومەتی عێراقی دەربڕیوە بۆ بۆردومانكردنی سنورەكانی هەرێمی كوردستان لەلایەن سوپای توركیا بەبیانوی بونی چەكدارانی پارتی كرێكارانی كوردستان\"بەوتەی سەرچاوەكە\"".

وتیشی: مالیكی رێگەی بە بۆردومانكردنی سنورەكانی هەرێمی كوردستان داوە بەبیانوی ئەوەی كە حكومەتی عێراق توانای شەڕی نیە لەگەڵ پەكەكە و هەروەها ناشتوانێت باكوری عێراق بەڕێوەببات چونكە هەرێمی كوردستانە كورد بەڕێوەی دەبات، بۆیە سەرۆك وەزیرانی عێراق رایگەیاندوە كە سوپای توركیا تاكە هێزە كە بتوانێت شەڕی پەكەكە بكات.


-NRTtv"