سه‌رۆكى هه‌رێمی كوردستان پێشوازی له فه‌رمانده‌ى گشتى هێزه‌كانى ئه‌مریكا له عیراق ده‌كات
له دیدارێكدا ، ژه‌نه‌راڵ ئۆستن ژه‌نه‌راڵ كاسلن _ى به سه‌رۆك بارزانى ناساند كه پاش كشانه‌وه‌ى هێزه‌كانى ئه‌مریكا له كۆتایى ئه‌مساڵدا جێى ده‌گرێته‌وه.
له به‌شێكى ترى ئه‌و دیداره‌دا بیروڕا ئاڵوگۆڕكرا ده‌رباره‌ى پرۆسه‌ى و هه‌وڵه‌كان و چاره‌سه‌ركردنى ناكۆكى و جیاوازییه‌كان كه بۆ ئێستاو ئاینده‌ى دۆسیه‌ى سیاسى و دیموكراسى عیراق گرنگه و هه‌روا تیشك خرایه سه‌ر مه‌سه‌له‌ى كشانه‌وه‌ى هێزه‌كانى ئه‌مریكا كه ئێستا جێى گفتوگۆى لایه‌نه سیاسییه‌كانى عیراقه .
ژه‌نه‌راڵ ئۆستن سوپاسى سه‌رۆك بارزانى كرد بۆ هه‌وڵ و كۆششه تایبه‌ته‌كانى له پێناو یه‌كخستنى ریزه‌كانى پێكهاته‌كانى عیراق و سه‌ركرده سیاسییه‌كان له روانگه‌ى پێویستیى چاره‌سه‌ركردنى هه‌موو كێشه‌كان و لێك نزیك بوونه‌وه و لێك تێگه‌یشتنى هاوبه‌ش به‌و ئامانجه‌ى كه سه‌قامگیرى سیاسى و ئه‌منى له عیراقدا زامن بكات و رۆڵى گه‌لى كوردستانیشى له‌و رووه‌وه به‌رنرخاند.
سه‌رۆك بارزانى پیرۆزبایى له ژه‌نه‌راڵ كاسلن كرد به بۆنه‌ى وه‌رگرتنى پۆسته نوێیه‌كه‌ى و هیواى سه‌ركه‌وتنى بۆ خواست.
