دواى ئه‌وه‌ى دوێنى شاندى سه‌رۆكایه‌تى هه‌رێمى كوردستان و پارتى دیموكراتى كوردستان و یه‌كێتى نیشتیمانى كوردستان بۆ تاوتوێكردنى پرسه‌ هه‌لواسراوه‌كانى نێوان هه‌ولێر و حكومه‌تى فیدراڵ و ره‌وشی سیاسى عێراق گه‌یشتنه‌ به‌غدا.

ئه‌مڕۆش شانده‌كه‌ له‌گه‌ل ئوسامه‌ نوجێفى سه‌رۆكى ئه‌نجومه‌نى نوێنه‌رانى عێراق و ژماره‌یه‌ك له‌ نوێنه‌رانى كورد له‌ به‌غدا و مه‌كته‌بى سیاسى سه‌در كۆبوونه‌وه‌ و له‌ كۆبوونه‌وه‌كاندا پڕسه‌ هه‌ڵواسراوه‌كانى نێوان هه‌ولێر و به‌غدا و ره‌وشى سیاسى عێراق گفتۆگۆیان له‌ باره‌وه‌ كرا و بریاریش وایه‌ شاندى هه‌رێم چه‌ند كۆبوونه‌وه‌یه‌كى تر له‌ گه‌ل هێزه‌ سیاسیه‌كانى عێراق و به‌رپرسانى باڵاى حكومه‌تى عێراق ئه‌نجامبدات .