شاری عەفرین، یەكێكە لەشارە جوانەكانی كوردستانی ڕۆژئاوا، دەكەوێتە شاری حەلەب كە سەنتەری ناوچەی عەفرینە، دەكەوێتە بەشی سەرووی باكووری ڕۆژئاوای سنووری نێوان سوریا و توركیا، كە لەڕۆژئاواوە دەكەوێتە سەر تەلی قوڵ و دواتر ڕووباری ڕەش كە پێكهاتەی سنوورەكان پێكدەهێنێ، عەفرین شوێنێكی چیاییە و بە بەرزی (700 تا 1269)م لەسەر ئاستی دەریاوە، بەناوبانگترین چیاكانی ئەو شارە بریتییە لە(گەری مازن) كە بەشێكە لەچیاكانی تۆرۆس، ڕووبەری ئەو شارە دەگاتە (3850)مەتر دووجا، 75 كیلۆمەتر و پانیی بە درێژایی 55 كیلۆمەتر، عەفرین لەپێشوودا بە (كەرداغ) ناسرابوو، ئەو وشەیەش واتە (چیای كوردەكان) و لەكتێبی شەرەفنامەدا هاتووە كە كەسایەتی كورد بە ناوی (مەند) هەبووە لەو ناوچەیە، دوای ئەوەی شاری حەلەب جیا دەبێتەوە لە نێوان توركیا و سوریا، ئەویش بڕیاری جیاكردنەوەی ئەو شارە دەدات و بۆ ئەوەی شارێك یان میرنشینێكی جیا بێ، شاری عەفرین ناوچەیەكی جۆراوجۆرە لەتەل و چیا و هەروەها ڕووباری عەفرین بەناو ئەو شارە تێدەپەڕێ كە سەرچاوەیەكی كشتوكاڵی و ئاودێری گرنگە بۆ ئەو شارە، ژمارەی دانیشتووانی ئەو شارە دەگاتە (50) هەزار كەس و زۆربەی دانیشتووانی ئەو شارە كوردن و بە كوردی قسە دەكەن.