هێزەكانی هاوپەیمانیی سووریای دیموكرات نزیک شاری مەنبەج بوونەوتەوە
هاوپەیمانیی سووریای دیموكرات كە زۆربەیان لە هێزە كوردییەكان پێكهاتوون، بە پشتیوانیی هێزی ئاسمانیی هاوپەیمانیی نێودەوڵەتی بە سەركردەیی ئەمەریكا توانیویانە بگەنە دەروازەی شاری مەنبەج.
ئەو پێشڕەوییانە بە مەبەستی وەدەرنانی داعش لە كۆتا پێگەی هاوسنووریان لەگەڵ توركیا، هەروەها پچڕاندنی پەیوەندیی ئەو گرووپە لەگەڵ جیهانی دەرەوە ماوەی هەفتەیەكە دەستی پێكردووە.
بەپێی ڕاپۆرتێكی ئاژانسی رۆیتەرز، شڤان دەروێش دەڵێت: "هاوپەیمانیی سووریای دیموكرات نزیك شاری مەنبەجن، بەڵام بەهۆی بوونی چەكداران لە شارەكە جارێ وەستاوین، بەڵام هەركات بمانهەوێت دەتوانین بچینە نێو شارەكەوە."
لە درێژەدا گوتوویەتی: دەتوانم بڵێم ئازادكردنی مەنبەج سەتاسەتە و هەركات پێمان شیاو بێت، دەچینە نێو شار.
هاوپەیمانە سووریای دیموكرات لە كورد و عەرەب و پێکهاتە ئایینی و ئیتنیکییەکانی دیکەی سووریا پێكهاتووە و ئەمەریكا ئەو هێزی پاڵپشتی دەكات.
باسنيوز