ریك پێری، كاندیدێكى پارتى كۆماریى ئه‌مه‌ریكا بۆ هه‌ڵبژاردنی ساڵی داهاتووى سه‌رۆكایه‌یتی ئه‌مریكا كشانه‌وه‌ی خۆی له‌ هه‌ڵبژاردن راگه‌یاند. به‌ پێى هه‌واڵێكى ئاژانسى رۆیته‌رز، ئه‌م بڕیاره‌ی ریك پێری دوای راگه‌یاندنی ئه‌نجامی راپرسییه‌ك هات، كه‌ به‌ پێى ئه‌نجامى راپرسییه‌كه‌، له‌ كۆتایی ریزبه‌ندی كاندیدی كۆمارییه‌كاندا بووه‌.

به‌پێی چه‌ند ناوه‌ندێكی راگه‌یاندنیش له‌ ئه‌مریكا، ریك پێری دووچاری قه‌یرانی دارایی بووه‌ و نه‌یده‌توانی پاره‌ی پێویست بۆ هه‌ڵمه‌تی هه‌ڵبژاردنی دابین بكات.

هاوكات ریك پێری، له‌ ویلایه‌تی (میزۆری) رایگه‌یاند كه‌ هه‌ڵمه‌تی هه‌ڵبژاردنى بۆ سه‌رۆكایه‌تی ویلایه‌ته‌ یه‌كگرتووه‌كان راگرت . جێى باسه‌ له‌ هه‌ڵبژاردنه‌كانی ساڵی دووهه‌زار و دوازده‌ى سه‌رۆكایه‌تی ئه‌مه‌ریكاش، ئه‌و كاندیده‌ى كۆمارییه‌كان شكستی هێنا.