له‌ ڕاپرسیه‌كی‌ په‌یمانگای‌ "ئودوكسا" دا كه‌ هه‌زاران هاوڵاتیی‌ فه‌ڕه‌نسی‌ به‌شدارییان تێدا كردوه‌، 61% ی‌ به‌شداربوانی‌ ڕاپرسیه‌كه‌ له‌گه‌ڵ ئه‌وه‌بون سوپای‌ وڵاته‌كه‌یان بچێته‌ ناو خاكی‌ سوریاوه‌ و شه‌ڕی‌ داعش بكات.

زۆرینه‌ی‌ به‌شداربوانی‌ ڕاپرسیه‌كه‌ پێشیانوابوه‌ به‌چونی‌ هێزی‌ زه‌مینی‌ فه‌ڕه‌نسیه‌كانیان بۆ خاكی‌ سوریا كۆتایی‌ به‌ باری‌ ناهه‌مواری‌ ئه‌و وڵاته‌ دێت و چیتر سورییه‌كان به‌ره‌و ئه‌وروپا كۆچ ناكه‌ن.

هه‌ر له‌ ڕاپرسیه‌كه‌دا 55% ی‌ فه‌ڕه‌نسیه‌كان دژی‌ ئه‌وه‌بون یاسای‌ مافی‌ په‌نابه‌ران بۆ وه‌رگرتنی‌ كۆچبه‌ران گۆڕانكاری‌ تێدا بكرێت.

ئه‌و ڕاپرسیه‌ دوای‌ ئه‌وه‌هات كه‌ ژماره‌یه‌ك له‌ ڕۆژنامه‌ فه‌ڕه‌نسیه‌كان بڵاویانكرده‌وه‌ كه‌ حكومه‌تی‌ فه‌ڕه‌نسا بیر له‌ ناردنی‌ هێز بۆ سوریا بۆ شه‌ڕی‌ داعش ده‌كاته‌وه‌.







سەرچاوەكان