عه‌لی ئه‌كبه‌ر سالحی سه‌رۆكی رێكخراوى وزه‌ى ئه‌تۆمی ئێران له‌ لێدوانێكدا كه‌ ئاژانسی ده‌نگوباسی فارس بڵاوی كرده‌وه‌ رایگه‌یاند كه‌ وڵاته‌كه‌ى ئه‌م ساڵ به‌ یارمه‌تی رووسیا ده‌ست به‌ دروستكردنی دوو وێستگه‌ى دیكه‌ى ئه‌تۆمی ده‌كات و ئاماژه‌ى به‌وه‌یش كرد كه‌ وتووێژ له‌گه‌ل چین به‌رده‌وامه‌ بۆ دروستكردنی دوو وێستگه‌ى دیكه‌ى ئه‌تۆمی.

سالحی گوتیشی سێ تا چوار ساڵی دادێ چالاكی وه‌رشه‌ى ئه‌و چوار وێستگه‌یه‌ به‌ خۆوه‌ ده‌بینن.

له‌لایه‌كی دیكه‌وه‌ عه‌باس عه‌راقچی یاریده‌ده‌ری وه‌زیری ده‌ره‌وى ئێران و گه‌وره‌ وتووێژكاری ئه‌تۆمی گوتی هه‌ر یه‌ك له‌ رووسیا و چین رۆڵێكی پۆزه‌تیڤ و بنیاتنه‌رانه‌یان گێڕا بۆ گه‌یشتن به‌ رێككه‌وتننامه‌یه‌كی هاوسه‌نگ له‌مه‌ڕ دۆسیه‌ى ئه‌تۆمیی ئێرانه‌وه‌.

دڵنیایی خۆیشی ده‌ربڕی كه‌ پێوه‌ندی وڵاته‌كه‌ى له‌گه‌ل ئه‌و دوو وڵاته‌دا پاش رێككه‌وتتنامه‌كه‌ زۆرتر په‌ره‌ده‌سێنێت.