جۆن كیێری وزیری ده‌ره‌وه‌ى ئه‌مه‌ریكا له‌ په‌راوێزى دیداره‌كه‌ى له‌گه‌ل لۆریان فابیۆس وه‌زیری ده‌ره‌وه‌ى فه‌ره‌نسا له‌ پارێس له‌ كۆنگره‌یه‌كی رۆژنامه‌وانیدا رایگه‌یاند كه‌ گرووپی شه‌ش هێشته‌ له‌گه‌ل ئێران نه‌گه‌یشتوونه‌ته‌ رێككه‌وتن. هاوكات ئاماژه‌ى به‌وه‌یش كرد كه‌ وتووێژ به‌رده‌وامه‌ بۆ داڕشتنی ره‌شنووسێكی ته‌وافوقی رێ بۆ رێككه‌وتنێكی كۆتایی خۆش بكات به‌ر له‌ بیست چواری ئه‌م مانگه‌.

روونیشی كرده‌وه‌ كه‌ ئه‌و رێككه‌وتنه‌ى گرووپی شه‌ش هه‌وڵى بۆ ده‌دات له‌سه‌ر بنه‌مای ئه‌وه‌ ده‌بێت له‌وه‌ دڵنیا بن كه‌ ئێران هه‌وڵى دروست كردنی بۆمبی ئه‌تۆمی نادات. ئاماژه‌ى به‌وه‌یش كرد كه‌ لێكۆڵینه‌وه‌ له‌ شێوازی ئاشتیانه‌ى به‌رنامه‌ى ئه‌تۆمی تاران كارێكی دژوار نییه‌. ره‌تیشی كرده‌وه‌ نیازی درێژكردنه‌وه‌ى مۆڵه‌تى كۆتایی بۆ گه‌یشتنه‌ رێككه‌وتن له‌ ئارادا هه‌بێت.