حوسێن چەلیك: قۆناغی چارەسەری بە پێی بەرنامە بەرێوەدەچێت
ماڵپەڕی خەبەر توركی توركی بڵاویكردووەتەوە كە وتەبێژی حكوومەتی توركیا حوسێن چەلیك، داوای لە ئەندامانی یەكێتی ژووری ئەندازیار و معمارانی توركیا كردووە كە كۆتایی بە خۆپیشاندانەكانیان بهێنن و لەوەی نەترسن كە پەرلەمان داهات و دەسەڵاتەكانی ئەو یەكێتییە بخاتە ژێر كونترۆڵی خۆیەوە.
ناوبراو لە بەردەوامی كۆنگرە رۆژنامەوانییەكەدا باسی قۆناغی چارەسەری پرسی كوردیشی كردووە گوتوویەتی: هەر چەند لە توركیا و لە ناوچەكەدا هەوڵێكی زۆر لە ئارادایە و دەیەوێ قۆناغی چارەسەری پەرتەواز بكات، بەڵام قۆناغ بە پێ ئەو بەرنامەیە كە لە لایەن حكوومەتەوە دانراوە بەرێوە دەچێت و تا ئێستەیش پێشكەوتنی زۆر باشی بە خۆیەوە بینیوە.