6ی‌ ته‌مموز/ یۆلیۆ (گوڵان میدیا)- رۆژی دووەمی کۆبوونەوەکانی ئیئتیلافی ئۆپۆزسیۆنی سوریا لە تورکیا کۆتاییھات، بێ ئەوەی سەرۆکێکی نوێ بۆ ئیئتیلافەکە وەک جێگرەوەی ئەحمەد معاز خەتیب دەستنیشان بکرێت. لەوبارەیەوە سەرچاوەکانی ھەواڵ رایانگەیاند: پاش دوو رۆژ لە بەردەوامی کۆبوونەوەکان کێبرکێکە لەنێوان ئەحمەد عاسی جەربا کە ٤٩ دەنگی بەدەستھێناوەو مستەفا سەباغ کە ٤٦ دەنگی بەدەستھێناوە ماوەتەوە.
نوسینگەی راگەیاندنی ئیئتیلافەکەش رایگەیاند: سھیر ئەناسی وەک یەکێک لە جێگرەکانی سەرۆکی ئیئتیلاف ھەڵبژێراوەو جێگری دووەمیش تائێستا دیارینەکراوە.
جێی ئاماژەیە ئەمرۆ کۆبوونەوەیەکی تری ئەندامانی ئیئتیلافی ئۆپۆزسیۆنی سوریا بۆ بڕیاردان لەسەر ھەڵبژاردنی سەرۆکی نوێی ئیئتیلافەکە بەرێوەدەچێت.