ڤیتالی چۆركین نوێنەری هەمیشەیی رووسیا لە نەتەوە یەكگرتووەكان بەدووری زانی مارتی ئیختیساری سەرۆكی پێشووی فنلەندا و خاوەنی خەڵاتی نۆبڵ جێی كۆفی ئەنان وەك نێردەی هاوبەشی ناودەوڵەتی و عەرەبی بۆ سووریا بگرێتەوە لە دوای دەست لەكاركێشانەوەی ئەنان.

چۆركین لە لێدوانێكی بۆ ئاژانسی \"ئیتار تاس\""ی رووسیایی گوتی، دیاریكردنی مارتی ئیختساری سەرۆكی پێشووی فنلەندا لە شوێنی كۆفی ئەنان وەك نێردەی هاوبەشی ناودەوڵەتی و عەرەبی بۆ سووریا زۆر دوورە و ئەو لەمێژە دەستی كێشاوەتەوە.

بەپێی ئاژانسەكە لەناو نەتەوە یەكگرتووەكاندا ناوی ئیختیساری زۆر باس دەكرێ وەك پاڵاوكی شیمانەكراو بۆ شوێنی ئەنان لە دوای كۆتاهاتنی ماوەی كاركردنی لە كۆتای ئەم مانگە، هاوكات بەر لە دیاریكردنی ئەنان بە نێردەی هاوبەش بۆ سووریا لە شوبات/فێبرایەری رابردوو ئیختیساری لە گەورەترین ركابەرەكانی بوو.
"