نووسینگەی ئەمینداری گشتیی نەتەوە یەكگرتووەكان، بان كی مون، سەركۆنەی نوێترین ئەو هێرشانەی حكوومەتی سووریا دەكات بۆ سەر هاووڵاتیانی سووریایی و داوای لێ دەكات هەڵمەتە سەربازییەكانی بوەستێنێت وەك ئەوەی بەڵێنی داوە.
لە بەیاننامەكەی نووسینگەی بان كی موندا بە توندترین شێوە بەرزبوونەوەی ئاستی توندوتیژی سەرۆكۆنە كراوە و بە داخە بۆ ئەو هێرشە سەركوتكارییانەی دەستەڵاتدارانی سووریا كە لە نێو قوربانیاندا ژن و منداڵ هە؛ بەپێی بەیاننامەكە ئەمە سەرباری ئەوەیە كە حكوومەتی سووریا بەڵێنی دابوو كە هێز و چەكەكانی لە ناوچە ئاوەدانەكاندا بكێشێتەوە.

چالاكوانانیش دەڵێن كە لانی كەم 27 لە سەرابز و لایەنی ئۆپۆزسیۆن و هاووڵاتیانی سووریایی دوێنێ هەینی بە هۆی كردەی توندوتیژییەوە كوژراون.

دیمەشق بەوە ڕازی بووە كە سەعات شەشی بەیانی بە كاتی دیمەشق لە ڕۆژی 12ـی نیسانی داهاتوودا هێزەكانی و چەكە قورسەكانی لە ناوچە دانیشتوواننشینەكاندا بكێشێتەوە.

بەیاننامەكەی بان كی مونیش جەخت دەكاتەوە كە \"دەستەڵاتەكانی سووریا هێشتا بەرانبەر بە پێشێلكردنی مافەكانی مرۆڤ و یاساكانی نێودەوڵەتی بەرپرسارەتیی تەواوی لە ستۆیە.\"""