واچاوه‌ڕوان ده‌كرێت حكومه‌تی قه‌ته‌ر چه‌ك بداته‌ ئۆپۆزسیۆنی سوریا بۆ ئه‌وه‌ی به‌ره‌نگاری هێرش و په‌لاماره‌كانی سوپاكه‌ی به‌شار ئه‌سه‌د ببێته‌وه‌.
رۆژنامه‌ی ئه‌لئه‌هرامی میسری له‌زاری به‌رپرسێكی ئه‌مریكایی بڵاویكرده‌وه‌، قه‌ته‌ر كار ده‌كات بۆ پڕچه‌ككردنی ئۆپۆزسیۆنی سوریا و دوێنێش حه‌مه‌د بن جاسم ئالسانی سه‌رۆك وه‌زیری قه‌ته‌ر داوای له‌كۆمه‌ڵگه‌ی نێو ده‌وڵه‌تی كرد ئۆپۆزسیۆنی سوریا پڕچه‌ك بكه‌ن و وتیشی پێویستیشه‌ وڵاتانی عه‌ره‌بی به‌شداری له‌پرۆسه‌ی سه‌ربازیی له‌سوریا بكه‌ن بۆ راگرتنی خوێن رشتن له‌و وڵاته‌دا.