له‌میانه‌ی كۆبوونه‌وه‌ی لیژنه‌ی ئابووری كه‌له‌ قاهیره‌ی پایته‌ختی میسر به‌رێوه‌چوو، ره‌شنووسێك سه‌باره‌ت به‌ سزادانی ئابووری سوریا ئاماده‌ كرا.

به‌پێی ئه‌و ره‌شنووشه‌ په‌یوه‌ندییه‌ بازرگانیه‌كانی نێوان ده‌وڵه‌تانی عه‌ره‌بی و رژێمی سوریا راده‌گیرێت ئه‌ویش وه‌ك سزادانی دیمه‌شق له‌به‌رامبه‌ر ئه‌و توندوتیژییه‌ی ده‌رهه‌ق به‌خۆپیشانده‌رانی وڵاته‌كه‌ی ئه‌نجامی ده‌دات.

به‌پێی ره‌شنووسه‌كه‌ هاتوچۆی گه‌وه‌ره‌ به‌رپرسانی سوریا و گه‌شته‌ ئاسمانیه‌كانیش به‌ره‌و سوریاو به‌پێچه‌وانه‌ راده‌گیرێت.

ئه‌و هه‌نگاوه‌ی ده‌وڵه‌تانی عه‌ره‌بی له‌كاتێكدایه‌ كه‌ روانگه‌ی سوری بۆ مافه‌كانی مرۆڤ رایگه‌یاند: كه‌ دوێنێ 27 هاووڵاتی مه‌ده‌نی له‌سه‌ر ده‌ستی هێزه‌ ئه‌منیه‌كانی سوریا كوژراو ن له‌ناوچه‌ی ئه‌دله‌بیش سه‌ربازانی یاخیبوو 12 سه‌ربازی سوپای سوریایان كوشتوه‌.