ته‌ڤى هه‌ولێن نێڤنه‌ته‌وه‌یى و ئه‌ره‌بى ژبۆ راوه‌ستاندنا توندكاریێن كو ل دژى وه‌لاتیێن سوریى ژبال هێزێن ئاسایشا وى وه‌لاتى ڤه‌ تێ ئه‌نجامدان و ژ وانا ژى جڤینا شاندا لیژنه‌یا وزارى یا سه‌ر ب كۆمكارا ئه‌ره‌بى دگه‌ل سه‌رۆكێ سوریێ؛ لێ هه‌ژمارا وه‌لاتیێن كو دوه ب ده‌ستێ هێزێن له‌شكه‌رێ سوریێ هاتنه‌ كوشتن گێها 27 كه‌سا.

تێزانین؛ رۆژا چارشه‌مبیێ شاندا لیژنه‌یا وزارى یا سه‌ر ب كۆمكارا ئه‌ره‌بى ب سه‌رۆكاتیا حه‌مه‌د بن جاسم بن جه‌بر ئال سانى سه‌رۆكێ وه‌زیرا و وه‌زیرێ ده‌رڤه‌ یێ قه‌ته‌رێ گێها دیمه‌شقێ و دگه‌ل به‌شار سه‌رۆكێ سوریێ جڤیان داكو وه‌كه‌ ناڤبه‌ریكه‌ر د نێڤبه‌را هوكومه‌تا سوریێ و ئۆپۆزسیۆنێ ده‌ كار بكن؛ د ده‌مه‌كێ ده‌ جڤاتا نیشتمانى یا سوریێ داخاز ژ هه‌موو رینشتڤانێن سوریێ كربوو گره‌ڤه‌كه‌ گشتى ل باژێرا رابگه‌هینن و بێتریا باژێرا ژى گره‌ڤ چێكرن.

پشتى جڤینێ؛ سه‌رۆكێ شاندێ د داخویانییه‌كه‌ رۆژنامه‌ڤانى ده‌ گۆت؛ هه‌ڤدیتنێ دگه‌ل سه‌رۆكێ سوریێ ئه‌شكه‌را و دۆستێتى بوو و لیژنه‌یا ئه‌ره‌بى و سه‌ركرداتیا سوریێ دێ د 31ێ ڤێ مه‌هێ جڤینه‌ك دى ئه‌نجام بده‌.

بال كشانده‌ سه‌ر وێ یه‌كێ ژى كو هه‌ست ب وێ یه‌كێ كرنه‌ كو هوكومه‌تا سوریێ هه‌ول دده‌ دگه‌ل لیژنه‌یا ئه‌ره‌بى چاره‌سه‌رییه‌كێ ژبۆ ره‌وشێ ببینه‌.