serdanekeyi kazimî serok wezîranî 'êraq bo hewlêr û kobûneweyi legell serok barizanî û serokî herêm û serok wezîran, qse û basêkî zorî lêkewtewe, sebaret be giringîyi ew serdane û lêkewtekanî mes'ud ḧeyder rawêjkarî serok barizanî le lêdwanêkî taybetda bo gullan bemcore rayi xoyi derbirrî.

mes'ud ḧeyder rawêjkarî serok barizanî le lêdwanêkî taybetda bo gullan, sereta basî eweyi krd ke "kurd fakterêkî giringe bo seqamgîrîyi siyasî le 'êraq û nawçekeda û rollî serok barizanî lew bwareda zor diyaru leberçawe, herêmîş pêgeyi lawaz nîye û, qebareyekî fîdrrallî destûrîye û seng û qursayî xoyi heye, lenaw proseyi siyasîyi 'êraqîşda kurd rollêkî giringî heye. " hawkat dellêt: " bêguman lekatî dananî mstefa kazimî wek serok wezîranî 'êraq, kurd weku pêkhate û serkrdayetîyi siyasîyi kurdistan rollêkî berçawyan hebû le pallpşitîkrdinî kazimî, legell destibekaribûnî kazimîyş danustanekan lenêwan herêm û 'êraqda leser zorêk le dosêkan destî pê krduwe, betaybetî lebwarî pêşmerge û şayste darayiyekanî û dosêyi abûrî begşitî le ruwî darayî û newt û kareba û mûçe û pşkî herêmî kurdistan le budceyi gşitî 'êraqda, hemû emane wayi krd, mstefa kazimî le serdanêkî frerrehendida serdanî hewlêr û kurdistan bikat, leber eweyi pallpşitîyi kurdî pêwîste le ḧkumetekeyi û le meseleyi hellbijardinekan û diyarîkrdinî ayindeyi ḧukmirranî le 'êraq û parastinî aramî û seqamgîrî, herweku cenabî mesirur barizanî serokî ḧkumetî herêmî kurdistan lekatî serdanekeyi kazimî cextî leser ew xalle krdewe ke grftekanî nêwan herêm û 'êraq, teniya mûçe nîye, bellku mafî gelî kurdistane weku pêkhateyekî serekî le 'êraqda ke le destûrî hemîşeyî 'êraqda amajeyi pê krawe û çesêndrawe, pêwîstîşe le çwarçêweyi destûrî 'êraqda sercem ew grft û kêşe hellpesêrdrawaneyi nêwan herêm û 'êraq ke kellekebuwî deyan salle her le drustibûnî dewlletî 'êraqiyewe taweku emirro çareser bikrên, ke cêgayi daxe dwayi nûsîneweyi destûrî hemîşeyî 'êraq pêkhateyi şî'e kemterxemî feramoşkrdinêkî le çareserî hemû ew dosêyanewe hebuwe, çunike dwacar bepêyi destûr û yasa desellatekanî nêwan herêm û beẍda diyar û leberçawe, bo nmûne lemadideyi 115 le destûrî 'êraqda cext leser ewe krawetewe ke her katêk beryekkewtin hebêt lenêwan yasayekî fîdrrallî û yasayekî kurdistanda, ewa yasayi herêm rîzbendî heye beser yasakanî fîdrrallda , eme wêrrayi eweyi 'êraq ziyatir le 50 madideyi destûrî pêşêl krduwe û, hewllî ewe dedat yasakanî merkezî bin. eweta wezaretî newtî 'êraq taku emirro yasakanî dewlletêkî merkezîye û guncaw nîye bo dewlletêkî fîdrrallî ke ledestûrî 'êraqda ew mafeyi be herêmekan dawe, le bwarî newtda xoyan hengaw binên, çunike desellatekanî herêm desellatî şer'î û destûrîn û destûrîş ew mafeyi dawe be herêmekan, bellam lekotada ew milmilanê û grftane beşêkî her demênêt, çunike eme peywendî be 'eqllîyetî hendêk le serkrdew kesayetîye 'êraqiyekanewe heye, hendêkî dîkeşî peywendî be xwêndineweyi ciyawazî yasakanewe heye, grfteke lewedaye hendêk kes û layen le nawxoyi kurdistanda deçn ew mafe deden be beẍda ke kurd le nêwxoda karî nekrduwe û helle û kemterxemî lexomane, derencam xo nabêt kurd hemû hêllkekanî bixate sebetekeyi beẍdawe û lêre pşitî lê bikatewe û pşit be çaksazî û gorranikarî le abûrîyi nawxoda nebestêt, be biyanuwî eweyi nedebû kurd karî bo abûrîyi serbexo û rîfrandom û ew babetane bikat û, serçawekanî dahat hemecor nekat û, her pşit be dahatî newtî bibestêt, lekatêkda em dahate hergîz le bazarre cîhanîyekanda seqamgîr nebuwe, em proseye raste katî dewêt, bellam xo debêt le pall asayîkrdineweyi peywendîyekan legell beẍda kar bo em layeneş bikrêt ke le 80%î dahatekanî bo xercî bekarxistin deçêt. "
sebaret beegerî çareserkrdinî hemû ew grft û kêşaneyi ke lenêwan herêm û 'êraqda heye, rawêjkarî serok barizanî wtî : "çareserî kêşeyi hellpesêrdrawî ziyatir le 100 sallî ḧkumetî 'êraq legell gelî kurdistanda herwa asan nîye, bellam astemîş nîye, teniya pêwîstî be kat heye. eweyi cêgayi umêde bo şeqamî kurdistanî û 'êraqî eweye le êstada îradeyekî behêz heye bo çareserkrdinî hemû grft û kêşe hellpesêrdrawekan, betaybetî beweyi mûçeyi fermanberanî herêmî kurdistan nebestirêtewe be babet û grfte siyasîyekanewe, çunike eger çareserî grft û kêşe abûrîyekan bikrêt, debête derwazeyekî zor baş bo çareserkrdinî kêşekanî dîke, ḧkumetî herêmî kurdistanîş sûre leser ew xalleyi mûçeyi fermanberanî herêmî kurdistan nabêt têkell be dosêyi newt û milmilanê siyasîyekan bikrêt û ḧkumetî fîdrrallî weku mafêkî destûrî û yasayî ew îltzamataneyi le serî heye, pêwîste cêbecêyi bikat. raste hemû em kêşaneyi le nêwan herêm û 'êraqda heye, beserdanêkî kazimî çareser nabêt, çunike hemû em kêşane kellekebuwî ḧkumetekanî pêşuwe û êstakeş zor le kesayetî û ḧzb û layene tundrrewekanî naw siyaset le hewllî gerraneweyi proseyi te'rîb û brsîkrdinî xellkî kurdistanin û le êstada dijayetîkrdinî kurd lelayen ew layen û ḧzbanewe weku kartêkî siyasî û muzayedeyek bekardehênrêt bo bedesthênanî deng le hellbijardinekanda, bellam sereta û hengawêkî umêdbexşe bo çareserkrdinî hemû kêşekan, nek teniya legell kurd, bellku çareserkrdinî hemû ew kêşaneyi lelayen xudî layene siyasîye şî'ekanewe lemperrî bo drust dekrêt. "
ew rawêjkareyi serok barizanî eweşî rageyand: "herçende êsta bedîlî kazimî le nêwmallî şî'eda her kazimîye, bellam le nêwmallî şî'eşda milmilanêyekî tund heye, her boye karî zor dekrêt hewlle nermekanî kazimî betaybetî le parastin û gerraneweyi heybetî yasada serinegrêt, boye kazimî pêwîstî be kurde bo pallpşitî ḧkumetekeyi û parastinî seqamgîrî, herdû laş zor cextiyan leser ewe krdewe, ke pêwîste destûrî hemîşeyî 'êraq bikrête xallî serekî bo çareserkrdinî hemû kêşekan, herçende destûrî 'êraqîş îşkaliyatî zorî lesere, bellam xo dekrêt lem qonaẍeda ziyatir cext leser xalle hawbeşekan bikrênewe, bo eweyi lêkinzîkbûneweyi ziyatir hebêt, betaybetî lenaw destûrda desellatî siyadî û desellatî herêmî kurdistan diyare, herçonêk bêt em serdaneyi kazimî lem kateda giring bû, leber eweyi hendêk le grêgwîrekanî nêwan herêm û beẍda dekatewe, bo nmûne le babetî nawçe kurdistanîyekanî dereweyi herêm ke babetêkî siyasîye û rehendî îqlîmî û nêwdewlletî heye. eweta ew newteyi ke aşkra buwe le 'êraqda û xemillêndrawe be 150 miliyar bermîl newtî xaw ke nzîkeyi 50 miliyar bermîl newtî xawî le nawçe kurdistanîyekanî dereweyi îdareyi herême be watayekî dîke yek leser sêyi newtî 'êraq le kurdistanî 'êraqdaye ."
sebaret be babetî hellbijardinekan û ew gftugoyaneyi serok wezîran (kazimî) legell serok barizanî basî krduwe‌, rawêjkarî serok barizanî wtî : "hellbijardin babetî germe le şeqamî 'êraqîda û serok wezîranî 'êraqîş pêwîstî be pallpşitîyi barizanî û kurd heye, bo ḧkumetekeyi û serkewtinî hemû ew îcraate yasayiyaneyi encamî dedat. "