kêşekanî ḧukmirranî taybet nîn be wllatêkî diyarîkraw, bellku lem serdemeyi êstayi pêşkewtinî tekinelojiya û berfrawanîyi hoyekanî peywendîkrdin, ḧukmirranî xoyi buwete beşêk le kêşe û serkrde û dewlletmedarî lêhatû lew kataneda derdekewêt ke çon detwanêt lenaw qûllayî kêşekanewe rêgeçareyi guncaw bo çareserkrdinyan dedozêtewe. le serubendî pêkhênanî kabîneyi tazeyi ḧkumetî herêmî kurdistanîşda xellkî kurdistan be umêdewe çawerrwanî pêkhênanî em ḧkumete deken û dexwazn em kabîneye ciya leweyi tewawkarî karekanî kabîneyi pêş xoyi bêt, hawkat komellêk berinameyi nwêyi hebêt ke bitwanêt başitir xizimetî hawullatiyanî kurdistan bikat. bo qsekrdin le ser proseyi ḧukmirranî begşitî û ew erke giringaneyi debine ewlewîyetî karî kabîneyi dahatuwî ḧkumetî herêmî kurdistan, em dîmane taybeteman legell zagros fetaḧ mḧemedemîn berrêweberî gşitîyi budceyi weberhênan le wezaretî plandananî ḧkumetî herêmî kurdistan encam da û bemcore wellamî prsiyarekanî dayewe.

* kêşeyi ḧukmirranî, kêşeyi hemû dewllet û qewareyekî siyasîye, aya ew mîkanîzimane çîn lenaw ew kêşaneda zemîneyi ḧukmirranîyi baş drust deken?
- ḧukmirranî zanistêkî taybet û dêrîne û mirovayetî hengaw be hengaw mîkanîzimî tazeyi bo çareserkrdinî kêşekan doziywetewe, bellam eweyi le maweyi 100 sallî rabrdû gorranikarî le siyasetî ḧukmirranî drust krduwe, ew derhawîşite erênîyayen ke şorrşî pîşesazî hênaye naw proseyi ḧukmirranîyewe, be watayekî dîke drustibûnî kertî taybete hawşanî kertî gşitî, yan (ḧkumet). em werçerxane ew mşitumirreyi drustkrd, çon detwanrêt îdareyi dewllet û kompaniyakan bikrên? aşkraye dewllet lelayen ew destebijêrewe berrêwedebrêt ke ḧukmirranî deken, yan lelayen xellkewe helldebijêrdrên, damezirawekanî kertî taybetîş lelayen ew xellkanewe berrêwedebrdrên ke xawenî pare û sermayen, lem nêwendeda derkewt ke pêşkewtinêkî gewre le şêwazî berrêwebrdinî kertî taybet be berawrd be kertî gşitî hatotearawe, boye legell eweyi jîngeyi karkrdinî kertî taybet û kertî gşitî dû jîngeyi ciyawazn, bellam ḧkumetekanî rojawa twanîyan sûdêkî êcgar zor le kertî taybet werbigirin. êsta eger çwarçêweyek bo pênaseyi ḧukmirranîye behêzekanî cîhan drust bikeyin, ewa mêjuwî 100 sallî rabrdû pêman dellêt, ḧukmirranîyi ew dewlletane behêzn ke kertî taybet tiyayanda zor behêz û pêşkewtuwe. bo eweyi êmeş bitwanîn ḧkumirranîyi başman hebêt, dekrêt sûdî zor lew wllatane werbigirîn ke twaniyuyane binemakanî ḧukmirranîyi baş peyrrew biken ke brîtîn le: serwerîyi yasa, şefafîyet, wellamder, karkrdin be têkrrayî, rewaw gşitgîr, karkrdin be şêwazî çustî û çalakî, berprsiyar, beşdarîkrdin.
* lem wellame kurte mebestt eweye pêman billêyt heta kertêkî taybetî frawan û behêz le wllatda bûnî nebêt, ḧukmirranîyi baş drust nabêt? eger em grîmaneye raste bo le maweyi proseyi ḧukmirranîyi kurdistanda, em kerte taybete frawan û behêze layi êmeş drust nebuwe?
- herêmî kurdistan le dwayi raperrînî sallî 1991 û hellbijardinekanî sallî 1992, ḧkumet û perlemanî xoyi leser binemayi ew yasayane drust krduwe ke le ḧkumetî 'êraqewe boman mabuwewe, ewanîş yasagelî ḧkumetêkî sentirrallî buwe le çwarçêweyi mîtodêkî dewlletanî soşiyalîstî, emeş bew manayeyi lem core sîstmaneda ḧkumet hemû karubarekan degrête estoyi xoyi û bwar narrexisênêt bo eweyi kertî taybet geşe bikat û rollî xoyi bigêrrêt. em mîrate yasayiye waykrd ke ḧkumetî herêmî kurdistan her le seretawe erkêkî gewreyi bikewête serşan, hawullatiyanîş leser heman mîtod çawerrêyi ewe bûn ḧkumet hemû erkekan bigirête estoyi xoy, bellam wêrrayi emaneş ḧkumetî herêmî kurdistan sall le dwayi sall hewllîdawe barudoxeke başitir bikat û zemîne bo derkewtinî kertî taybet birrexisênêt, lem bwareşda eger berawrdî ḧkumetî herêmî kurdistan be ḧkumetî 'êraq bikeyin heta kotayî sallî 2013 û pêş birrînî budce û mûçeyi herêm lelayen beẍdawe, debînîn ke ḧkumetî herêm twaniyuyetî zor ziyatir le ḧkumetî 'êraq xizimetguzarî pêşkeşî hawullatiyanî xoyi bikat, eme bew manaye nîye ke ḧkumetî herêm bê kemukurtîye, yan ême başitirîn ḧukmirranîman berrêwebrduwe.
* legell eweyi amajet bewe krd ḧukmirranîyi kurdistanîş bê kemukurtî nîye, bellam be berarud legell ḧkumetî 'êraq, cextt leser ewe krdewe ke twanrawe xizimetguzarîyi ziyatir pêşkeş bikrêt, aya ḧkumetî herêmî kurdistan çî ziyatir le ḧkumetî 'êraq krduwe?
- ḧukmirranîyi êstayi kurdistan le zor bwarda pêwîstî be çaksazî heye, xallî here giring bo ḧukmirranîyi baş, prsî şefafîyet û nehêşitinî gendellîye, bo emeş çend sallêke destman pêkrduwe û be qena'etî min her eweş ewlewîyetî kabîneyi dahatuwî ḧkumetî herêmî kurdistan debêt. wêrrayi emaneş ḧkumetî herêmî kurdistan emaneyi krduwe:
1. heta sallî 2014 ke ḧkumetî beẍda beşe budceyi herêmî kurdistanî narduwe, sallane ḧkumet budceyi rewaneyi perlemanî kurdistan krduwew paşanîş hemû sallêk le kotayî sallda ḧîsabatî kotayî rewaneyi perleman krawe, ke heta êstaş ḧkumetî beẍda ḧîsabatî kotayî rewaneyi perlemanî 'êraq nekrduwe.

2. ḧkumetî herêmî kurdistan twaniyuyetî sîstmêkî taze bo (grêbestî gşitî) derbikat, ke bepêyi em sîstme ḧkumet grêbest legell layenêkî kertî taybet dekat. pêşitir (grêbestî gşitî) le çwarçêweyi yasayi grêbestekan (qanun al'qud)î 'êraqî grêbestekanî dekrd, ke bepêyi rênmayiyekanî ew yasa kone, detwanra destkarîyi grêbesteke bikrêt û bwarî gendellî zor bû, bellam êsta be rênmayî taze ew kelênane prrkrawnetewe.
3. wazertî plandanan be hemahengî legell encumenî şura twaniyuyetî koyi yasa û rênmayiyekanî herêmî kurdistan kobikatewe, bo eweyi berawrdêk bikat û bzanêt kam rênmayî legell yasayek, yan kam yasa legell ewî dîke hawdijî drust dekat, bo eweyi eger pêwîst bêt, yasakan hemwar bikrênewe, yan eger pêwîst bikat, yasayi dîke derbikrêt.
4. ḧkumetî herêm twanî gorranikarîyi zor le awedanikrdinewî herêmî kurdistan bikat û be hezaran projeyi xizimetguzarî wek: rêgewban, kareba, frrokexane, qutabixane, nexoşxane, saylo û .. htd cêbecê krduwe.
5. le zor nîşanderî perepêdan twanîman pêşkewîn be berawrd legell sallanî rabrdû, ke le zorbeyi here zorî ew nîşanderane le beşekanî dîkeyi 'êraq başitirîn.
* ḧkumetî herêmî kurdistan le seretayi sallî 2014 lelayen beẍdawe bucekeyi birrdra, her lew salleda da'ş hêrşî krde ser herêmî kurdistan û nzîkeyi dû miliyon awareş rûyan le kurdistan krd û nrxî newtîş zor dabezî, aya çon twanra planî xotan bigorrin bo eweyi em ḧkumete nekewêt?
- bêguman hemû ewaneyi amajeyi pê deken, ktuprr pêkewe yexeyi kabîneyi heşitemî ḧkumetî herêmî kurdistaniyan grt û, qeyranekanîş yek le yektirî qurstir û sexttir bûn, her bo nmûne:
1. be rêjeyi 90%î dahatî kurdistan leser ew beşe budce bû ke ḧkumetî kurdistan le pşkî budceyi 'êraqewe boyi dehat, leprr emeyan birrî.

2. şerrî da'ş, şerrêkî hêcgar gewre û xwênawî bû ke bereyi şerreke ziyatir le 1000 kîlometir drêjeyi hebû.
3. nzîkeyi 1.8ta 2 miliyon aware rûyan le herêmî kurdistan krd, ke bemeş ktuprr be rêjeyi 28ta30% jmareyi danîşituwanî kurdistan ziyadî krd.
4. ew birre newteyi ke xoşman hemanbû, behoyi dabezînî nrxî newtewe (bo 20-25 dolar) waykrd ke ḧkumet netwanêt sûdêkî ewto lew newteş werbigirêt.
eger be şêweyekî zanistîyane şroveyi em komelle qeyrane bikeyin ke pêkewe berokî kurdistaniyan grt, dekrêt billêyin: her dewlletêk pêkewe rûberruwî ew hemû qeyrane bibêtewe, debêt bikewêt û nemênêt, bellam maneweyi ḧkumetî herêmî kurdistan û hewllekanî bo têperrandinî ew hemû qeyrane, be pleyi yekem degerrêtewe bo hêzekanî pêşmergeyi qareman ke twanîyan lew barudoxe sexte kurdistan le metirsîyi tîrorîstanî da'ş bparêzn, herweha degerrêtewe bo xorragrîyi xellkî kurdistan. eger em dû faktere nebûnaye, ḧkumetî herêmî kurdistanîş bergeyi nedegrt, bellam be bûnî em dû faktere giringe ḧkumetî herêmî kurdistan bo rûberrûbûneweyi qeyranekan çend hengawêkî grteber ke brîtî bûn le:
a- ḧkumetî herêmî kurdistan her leseretawe bîrî lewe krdewe ke hawsengîyek le nêwan (dahat û xercî) ḧkumet rêkbixat.
b- siyasetî dûrbînaneyi herêmî kurdistan bû ke twanî yasayi newt û gazî herêm derbikat û xoman bibîne xawenî serçaweyi samanî siruşitîyi xoman, boye dwayi eweyi le şubatî 2014 ḧkumetî beẍda budceyi birrî, ḧkumet twanî le mangî ḧuzeyranî heman sallda newtî xoyi bfroşêt, bellam behoyi dabezînî nrxî newtewe, netwanra bem rêgeye, rêge le qeyrane abûrîyeke bigirîn, boye ḧkumet naçar bû siyasetî paşekewtî mûçe be naçarî rabigeyenêt, bellam emeşiyan dîsan degerrêtewe bo cwamêrîyi xellkî kurdistan ke pşitgîrîyi ḧkumetî xoyan krd û twanîyan qeyraneke têperrênin.
c- kemkrdineweyi xercî wezaretekan be rêjeyi 75-80%, emeş handerêkî baş bû bo eweyi ḧkumet sinûrêk bo qeyranekan dabinêt.
em qeyranane eweyan fêrkrdîn ke debêt hemû kat pêşbînî qeyranî lenakaw bikeyin, boye le kabîneyi tazeyi ḧkumetî herêmî kurdistanîşda leser em mîtode berdewam debîn, bo eweyi eger xwanexwaste qeyranî dîke hate rêgaman, başitir berge bigirîn û serkewtuwane têperrî bikeyin.


* ewendeyi ême wek çawdêr agadarîn, êwe le plandanan bo rûberrûbûneweyi em qeyranane legell banikî nêwdewlletî harîkar bûn û pêkewe planêktan heta sallî 2020 amade krduwe, aya roll û karîgerîyi hawkarîyekanî banikî nêwdewlletî bo êwe çon bû?
- legell eweyi banikî nêwdewlletî û sinduqî nextîyi nêwdewlletîyş be şêweyekî fermî legell wezaretekanî darayî û plandananî nawend, yan ḧkumetî fîdrrallî kar deken, herweha legell eweyi karibedestanî em çend salleyi dwayî ḧkumetî fîdrrallî berdewam hanî banikî nêwdewlletîyan deda ke hawkarî û hemahengî legell ḧkumetî herêmî kurdistan nekat, bellam leber eweyi ewan geyşitine ew qena'eteyi ême be krdeyî amadebaşîman bo çaksazî û rîform le hemû bwarekan têdaye, ewe bû twanîman kariyan legell bikeyin û pêkewe raportêk bo rûberrûbûneweyi qeyranekan dabirrêjîn, raportekeş heta sallî 2020 lexo degrêt.
* banikî nêwdewlletî katêk le çwarçêweyi mercekanî xoyi mamelle legell ḧkumetêk dekat, ciya le harîkarî tekinîkî, le hemanikatda harîkarî darayîşiyan dekat, aya êwe sûdtan le herdû yarmetîyeke wergrtuwe?
- ême le ruwî tekinîkîyewe sûdêkî zorman le harîkarîyekanî banikî nêwdewlletî bîniywe, bellam bedaxewe le ruwî darayiyewe nexêr, emeş leber eweye ewan le ruwî darayiyewe mamelle legell beẍda deken û debêt bîden be beẍda û ewan bîden be ême, bellam wek xotan dezanin, beẍda lew sallane budcekeyi xoşmanî birrîbû, çi cayi eweyi pareyi banikî nêwdewlletîman bo binêrêt.


* hawkat wezaretî plandananî ḧkumetî beẍda berinameyekî hawşêweyi ḧkumetî herêmî kurdistaniyan legell banikî nêwdewlletî hebû, bellam ewan neyantwanî rîform biken, aya ewan bo neyantwanî?
- raste ḧkumetî 'êraqîş legell banikî niyudewlletî û sinduqî nextîyi nêwdewlletî berinameyekiyan hebû ke le ḧkumetî 'êraqda çaksazî biken, bellam bedaxewe ewan neyantwanî, diyare banikî nêwdewlletî komellêk mercî pêşwexteyi heye bo yarmetîyi darayî û merce ke ew ḧkumeteyi ke hawkarî legell deken, komellêk çaksazî bikat, bellam karibedestanî 'êraq eweyan dezanî, eger çaksazîyş neken, komellêk dewlletî gewre betaybetî emirîka pşitgîrîyan dekat û hawkarîye darayiyekanî banikî nêwdewlletî werdegirin, boye xemsardîyan krd û hengawyan bo çaksazîyekan hellinegrt.
* wêrrayi hemû qeyrane sextekan, bellam supas bo xwa û bo cwamêrîyi xellkî kurdistan, ew qeyranane têperrêndran, êsta le kurdistanda qonaxêkî taze hatote pêşewew nêçîrvan barizanî bo postî serokî herêm hellbijêrdrawe û msirur barizanî raspêrdrawe bo pêkhênanî kabîneyekî nwê, aya çon seyrî em werçerxane û em qonaxe nwêye deken?
- bîguman em werçerxane qonaxêkî tazeyi hênawete pêşewe, emeş be hengawêkî dîkeyi erênî bo ezimûnî dîmukratî kurdistan le qellem dedrêt, leber eweyi wêrrayi eweyi ême bo maweyi 7-8 mange xerîkî danustandinîn bo pêkhênanî ḧkumet, bellam supas bo xwa be rêgeyekî dîmukratîyane proseke berew kotayî deçêt, xoşbextane em proseye eweyi selmand ke le kurdistanda detwanrêt le çwarçêweyi proseyekî dîmukratîda prsî desellat yeklayî bikrêtewe, eme xoyi le xoyda serkewtinêkî gewreye. lem qonaxeda tazeyeda be birrwayi min sê erkî serekî dekewête serşanman ke brîtîn le:
1. eweyi giringe cextî leser bikeyinewe eweye çon bitwanîn pêkewe karibikeyin û hewllekanman yekbixeyin bo eweyi xizimetguzarîyi başitir pêşkeşî xellkî kurdistan bikeyin.
2. giringe peywendîyi nêwan herêmî kurdistan û beẍda behêztir bikrêt. herweha debêt cext leser ewe bikeyinewe destûrî 'êraq ke grêbestî peywendîyi nêwan hewlêr û beẍdaye wek xoyi cêbecê bikrêt.
3. giringe be berdewamî peywendîye nêwdewlletîyekanman behêztir bikeyin.
* eger ziyatir cext leser hewllekanî kabîneyi dahatû bikeyinewe ke peywestin be yekxistinî hewll û twanakan bo pêşkeşkrdinî xizimetguzarîyi ziyatir bo hawullatiyan, aya debêt hengawekanî kabîneyi dahatû çon bin?
- pêş hemû şit debêt proseyi çaksazî berdewam bêt û hewllbidrêt ew bargranîyeyi êsta leser şanî ḧkumet heye, sûkî bikeyin. herweha debêt berdewam ḧkumet xercî bekaribrdin kem bikatewe û dahatî weberhênan ziyatir bikat, bo eweyi bitwanêt projeyi xizimetguzarîyi ziyatir cêbecê bikat.


layenêkî zor giring eweye ke debêt hemû hewllekan bixirênegerr bo eweyi kertî taybet frawantir û behêztir bikeyin, herweha pêşkewtinî abûrîyi kurdistan peyweste bew layenewe, ke le êstada proseyi abûrîyi kurdistan peyweste be newtewe, giringe em hawkêşeye bigorrên bo eweyi serçaweyi dahat le pênawî behêzkrdinî kertî taybet bêt. herweha bûjandineweyi abûrî û dabînikrdinî serçaweyi ziyatirî dahatî ẍeyr newtî, perepêdanî geşituguzar û asayşî xorak û perepêdan be kşitukall. emane hendêkin lew berinamaneyi ke kabîneyi nwê karî leser dekat le bwarî abûrî.
* hendêk dellên ême her benaw kertî taybetman heye, lemeş ziyatir dellên kertî taybet neytwaniywe erkî serşanî ḧkumet sûk bikat, aya çon ew kerte taybete behêz û frawane drust dekrêt?
- min dellêm kertêkî taybetî biçûkman heye her boye neytwaniywe erkî serşanî ḧkumet sûk bikat, boye giringe le ḧukmirranîyi ḧkumetî dahatûda, kertî taybet bikeyin be bzwênerî abûrî û pêşkewtinî abûrî, eme bew manaye dêt ke kertî taybet bwarêkî frwanî leberdem bikrêtewe bo eweyi bitwanêt le hemû bwarekanî xizimetguzarî rollî xoyi bigêrrêt, boye eweyi ême debêt karî leser bikeyin, eweye kertêkî taybetî frawan û gewreman hebêt, wek pêşitirîş amajem pêkrd, yasa û rênmayiyekanî ême bo encamdanî em erke baş nîn, ême pêşitir be komellêk yasa û rênmayî karman krduwe ke hemûyan konin û leser binemayi mîtodî sîstmî soşiyalîstî danrawan ke birrwayan be kertî taybet nîye, boye debêt ême komellêk yasa û rênmayî taze derbikeyin ke bwar bikatewe bo eweyi kertî taybet bitwanêt geşe bikat û behêz û frawan bêt, her bo nmûne êsta le wllatêkî wek emirîka hawullatiyek detwanê le maweyi 2-3 roj be têçuwî 20 dolar mollet bo kompaniyayek werbigirêt, bellam bepêyi yasa û rênmayekanî ême debêt maweyi 45-60 roj xerîk bêt û ziyatir le 4000 dolar xerc bikat bo eweyi mulletekeyi werbigirêt. leseruwî hemû emaneşewe rollî serwerîyi yasa zor giringe û debêt le çwarçêweyi serwerîyi yasada bayex be lamerkezîyetî îdarî bidrêt, ke emeşiyan rotînî zor kem dekatewe û karî hawullatiyanîş asan dekat.


* psporan amaje bewe deken bebê bûnî sîstmêkî behêzî banikî, kertî taybet natwanê leser pêyi xoyi rabwestêt, aya ew sîstme banikîye le kurdistan bûnî heye?
- ême sîstmî banikîman nîye, bellam kurdistan pêwîstî be sîstmêkî banikîyi zor behêz heye, bo eweyi bitwanêt weberhênan le pareda bikat, emeş jêrxanêkî zor baş bo geşeyi kertî taybet derrexisênêt. zor rastîşe sîstmî banikî fakterêkî serekîye bo geşeyi kertî taybet, leber eweyi berdewam detwanêt pareyi gewre bo projekanî le banik qeriz bikat. wllatanî rojawa le ser em binemaye pêşkewtûn, le pêşan sîstmî banikîyi behêziyan hebuwe, înca twaniyuyane kertêkî taybetî behêz drust biken. boye sîstmî banikîyi behêz bo kurdistan zor pêwste. min dezanm xellkî kurdistan mtmaneyi be banikekanî kurdistan nîye, leber eweyi le sallanî rabrdû le katî qeyrane abûrîyekanda xellk neytwaniywe lekatî xoyi parekanî le banikekan werbigirêtewe, boye yekêk le erkekanî em kabîne tazeye eweye ke debêt ew mtmaneye bigêrrêtewe bo hawullatiyan bo eweyi mtmane be sîstmî banikî biken û parekaniyan le banikekan dabinên.
* bast le nebûnî mtmane krd lenêwan hawullatiyan û banikekanî kurdistanda, bellam pêt wanîye lenêwan hawullatiyan desellatîş boşayiyek heye? aya hokarî ew boşayiye çîye?
- be birrwayi min eme erkêkî dîkeyi kabîneyi dahatuwî ḧkumetî herêmî kurdistane û berrêz kak msirur barizanî berinameyi bo em kare heye, ewîş nzîkkrdineweyi hawullatiyane le ḧkumet û le şêwazî drustkrdinî birriyar le ḧkumetda, emeş bew manayeyi raste ḧkumet birriyar dedat, bellam debêt birriyarekan bewcore bin ke hawbeşîyi hawullatiyanî têda drust bikrêt, bo emeş pêwîste lenêwan hawullatî û ḧkumetda fezayekî gşitî hebêt bo eweyi hawullatî bigate desellat û desellat gwê le rayi hawullatiyan bigirêt. layenêkî dîke bo beşdarîyi hawullatiyan le desellatda eweye rawêj be hawullatiyan bikrêt le şêwazî birriyardan le ser projekan, her bo nmûne ême birriyarî projeyekman heye le yekêk le qezakanî kurdistan, bellam xellkî ew qezaye pêwîstiyan be çendîn proje le bwarî corawcor heye, eger ême legell xellkî ew qezaye qseman krdu pêman gutin, ême be birrî yek miliyon dolar projeyekî nexoşxane bo qezaketan drust dekeyin, bellam dezanîn piywîstîtan be çend projeyi dîkeyi wek qutabixane û rêgewban û kareba heye, aya êwe xotan elewîyet bekamiyan deden? ewa lem ḧalleteda hawullatî hest dekat î'tubar û hêzî heye, boye be hemû twanayek pşitgîrî ḧkumet dekat. xotan dezanin lem 10-12 salleyi rabrdû diyardeyek lenaw xellkî kurdistan drust buwe ke be çak û xirapî ḧkumet her dellên xirap, boye eger twanîman hawullatî beşdarî le birriyardan bikat, ewa ew boşayiye prrdekeyinewe û ḧkumet û xellk pêkewe hawkar debin bo serxistinî berinamekanî ḧkumet.



* amajet bewe krd ke ḧkumetî dahatû yekêk le berinamekanî bayexdan be kertî taybet debêt, bellam kertî taybet heta êsta nebote serçaweyi dozîneweyi helî kar bo gencan, aya çon kertî taybet debête serçaweyek bo dozîneweyi helî kar bo gencan?
- ewe pêwîstî be dûbare darrşitineweyi siyasetî (bazarrî kar) heye. pêş hemû şit debêt ewe bzanîn siyasetî bazarrî kar, xistinerrû û wîst ('rض û طlb)ـe, emeş bew manayeyi aya zanikokanî kurdistan, yan amojga û qutabixanekanî pêgeyandinî pîşeyî çi core kadrêk bo bazarrî kar pêşkeş deken, min lêreda ziyatir bas le zanikokanî kurdistan dekem, le ber eweyi stiratîjiyetî wezaretî xwêndinî balla û twêjîneweyi zanistî bew coreye ke gencan be zanist perwerde biken, bo eweyi ew zaniste le herdû kertî taybet û gşitî bekaribihênin, leser em binemaye ême wek wezaretî plandanan legell kertî taybet qseman krduwe, ewan dellên ême xellkanêkman dewêt bo nmûne zimanî înglîzî bzanin, le kompiyoter şareza bin, lêhatuwîyi peywendîyekaniyan têda bêt w...htd, bellam beşêkî zor le gencekanman lem bwarane derçuwî zanikokanî kurdistanin û be tewawetî fêrî psporrîyeke nebûn. layenêkî dîke eweye ke heta êsta le kurdistan dameziraweyekî fermî bo gerran be dwayi karda nîye, boye dozîneweyi kar be teniya le rêgayi nasiyaw û dost û braderewe msoger debêt, giringe le kabîneyi dahatû dameziraweyek hebêt bo eweyi bibête serçaweyi dozîneweyi kar, lem ḧalleteda zor bwar pêyustî be çawpêdaxşandinewe heye, le nawyanda yasayi xwêndinî balla û twêjîneweyi zanistî le ḧkumetî herêmî kurdistanda.