bêrinard heykel prrofîsor û berrêweberî programî dîrasatî asiyayi nzîke le zanikoyi prînston, le twêjînewekanîda bayex be çend prsêkî giring dedat, wek ew bargrjîye siyasî û komellayetîyeyi le desellat û nasinameyi ayînîyewe serçawe degrêt. herweha giringî be mêjû û siyasetî wllatanî kendawî 'erebî û betaybetî s'udiye dedat. be şêweyekî gşitî şrove û lêkdanewe bo cîhanî 'erebî û îslamî dekat. gullan le miyaneyi dîmaneyekda çend prsêkî legellda tawtwê krd, ke peywest bûn be pêşhat û peresendinekanî êstayi rojhellatî nawerrast û bargrjîyekanî em dwayiyeyi nêwan emirîka û êran, herweha tîşk xirayeser peresendine nawxoyiyekanî wllatanî nawçeyi rojhellatî nawerrast, betaybetî eweyi peywest bêt be prsî tundrrewî û hokarekanî hellkşanî grûpe tundrrew wtundutîjekanewe, betaybetî doxe siyasî û abûrî û komellayetîye nahemwar û nalebarekan.

bêrinard heykel berrêweberî programî dîrasatî asiyayi nzîk le zanikoyi prînston bo gullan: nîgeranm le egerî hellgîrsanî şerrî nêwan emirîka û êran




* wek kesêkî şareza û taybetmend le karubarî rojhellatî nawerrast, aya lenêw ew peresendinaneyi lem nawçeyeda deguzerên, çi şitêk ziyatir êwe nîgeran dekat?
- le rastîda eweyi be şêweyekî gşitî ziyatir nîgeranm dekat le nawçekeda brîtîye le egerî hellgîrsanî şerr le nêwan wîlayete yekgrtwekanî emirîka û wllatî êranda, eme le mewdayi nzîkda, xo eger bas le mewdayi dûr bikeyin, ewa min ptir nîgeranm lebareyi bûnî jmareyekî zorî genc lem nawçeyeda ke be dest bêkarîyewe denallênin, legell bûnî siyasetî serkutkarî û ḧukmirranîyi xirap û têkçûnî jînge û kêşeyi aw û xorak, kewate çendîn kêşe hen le rojhellatî nawerrastda ke lebareyanewe nîgeran bît.
* aya em serkutkarîye siyasîye û bûnî ḧkumirranîyi xosepên le wllatanî em nawçeyeda, yekêk buwe le faktere serekîyekanî têkçûnî doxe komellayetîyeke û çûnî gencan bo nêw rîzekanî grûpe tundrrewekan?
- be dllinyayiyewe, bawerrm waye ke ḧkumirranîyi xirap rollî hebuwe le serhelldanî tundrrewey, bellam rollî wîlayete yekgrtuwekanî emirîka û hêze derekîyekanî dîkeş rollêkî yarmetîder û hawkar nebuwe, le heman katda şkstî aydiyolojiyakanî dîkeyi wek lîbirrall dîmukrasî û soşiyalîzim serkewtû nebûn, emeş hawkar buwe bo serhelldanî tundrrewî.
* bellam le peywendî be rêkxirawî tîrorîstîyi da'şewe be şêweyekî taybet, ke ême dezanîn kawlkarî û kuşitarêkî zor û bê pêşîneyi lem nawçeyeda hênayearawe, betaybetî le 'êraq û suriya, bellam le êstada eweyi pêyi dewtirêt xelafetî da'ş têkşkawe, aya pêtwaye hêşita teḧedidiye drêjxayenekan le arada mawn û netwanrawe em rêkxirawe le ruwî aydiyolojîyewe têk bşkêndrêt?
- bellê, pêm waye hêşita aydiyolojiyayi tundrrewî learada mawew têk neşkawe û pêm waye eweyi buwete hoyi serhelldan û hellkşanî tundrrewî ayînî, yan hokarî eweyi boçî xellk meylî bo tundrrewî ayînî la drust debêt, eweye ke xoyan le doxêkda debîninewe ke le ruwî siyasî û komellayetî û abûrîyewe doxêkî tewaw xirape û aydiyolojiyayi tundrrewî xoyi wa dexaterrû ke hellgrî bedîlêkî başitire bo ayînde, bellam be têrrwanînî min aydiyolojiyayi ayînî derencamêkî başitirî lênakewêtewe, bellku eme aydiyolojiyayiyekî xirape û le kotayîda xellkeke drk beme deken.
* pêt wanîye em rewte tundrreweyiye rîşeyekî kultûrî heye û botehoyi teşenekrdin û geşekrdinî û sazkrdinî zemîneyekî lebar bo hellkşanî tundrrewî?
- be têrrwanînî min le hemû şwênêkî em cîhaneda rîşeyi kultûrî heye bo tundrrewî, bo nmûne: êsta le ewrupa hellkşanî bzutinewe rastirrewe tundrrewekanî bedî dekeyin, lenêw cîhanî îslamîşda renge bzutinewe musllmanî tundrrewt hebêt, kewate detwanîn billêyin be dllinyayiyewe sercem bzûtinewe tundrrewe ayînî û siyasiyekan rîşeyi kultûrîyan heye, bellam min demewêt ewe billêm ke bûnî em rîşe kultûrîye natwanêt rave û lêkdanewe bo derkewtinî em grûpe tundrrewane bikat, mebestm eweye ke rîşe kultûrîyekan bes nîyin bo drustibûnî tundrrewî ayînî, bellam debêt siyaq û doxêkî siyasî û komellayetî û abûrî le arada bêt.
* kewate taweku em nadadperwerîye komellayetîyi û serkutkarîye siyasî û çeqbestine abûrîye bmênêtewe, ewa serhelldan û drustibûneweyi em grûpe tundrrewane şitêkî ḧetmî debêt?
- bellê, eme raste, be taybetî eger ême seyrî danîşituwanî rojhellatî nawerrast bikeyin, ewa debînîn ke twêjêkî berfrawanî gencan bûnî heye, ke ême dezanîn beşî zorî danîşituwanî nawçeke le genc pêkdên, em twêjeş bêbeşe le derfete abûrîyekan û le doxêkî abûrîyi xirapdaye û le ruwî siyasîyewew serkutkarewe, em gencaneş le êstada be hoyi enterinêtewe debînin doxeke le wllatanî dîke, le çîn û le ewrupa û le emirîka, kewate ewan doxî wllatanî dîke debînin û hest be nawmêdî û turreyî deken katêk natwanin em doxe başe le wllatî xoyan bedest bihênin. her leber emeşe grûpe tundrrewekan dên û detwanin serincî ew kesane bo layi xoyan rabikêşn.
* bellam hendê car em grûpe tundrrewane xoyan wek bedîlêkî bawerrpêkraw û kar dexenerrû bo ew sîstme ḧukmirranîyeyi le aradaye, têrrwanînî êwe çîye lem bareyewe?
- pêmwaye grûpe ayînîye tundrrewekan natwanin bedîl bixenerrû, û bawerrm waye projekanî em grûpane, proje abûrîyi û komellayetîyekaniyan şkstiyanhênawe û le ayîndeşda şkst dehênin. çunike be têrrwanînî min ewan hellgrî çareser nîyin bo kêşekanî komellge hawçerxekanî rojhellatî nawerrast, yan her komellgeyekî dîke û bigire ewan teniya debinehoyi xiraptirkrdinî barudoxeke. be derbirrînêkî dîke, ewaneyi meyliyan heye bo grûpe ayînîye tundrrewekan pêyan waye doxeke berew başitir derrwat, bellam le waqî'da em doxeke berew xiraptir deçêt.
* aya le derencamî şksthênanî em grûpe tundrrewane û şkstî sîstme ḧkumirranekanî êsta, wek bedîlêk egerî dûbare gerranewe bo nasiyonalîzim heye?
- pêm waye serhelldaneweyi nasiyonalîzim le hendê wllatî wek s'udiyeda le aradaye, be taybetî ke ḧkumetî ew wllate kar leser zîndûkrdineweyi em rewte dekat wek bedîlêk. ke debêt çawerrwan bîn û bibînîn aya eme serkewtin bedest dehênêt, bellam debînît le wllatêkî wek lîbiya tewaw pêçewaneyi eme rûdedat, wate dakşanî nasiyonalîzim lew wllateda bedî dekrêt, çunike eweyi rûdedat brîtiye le dûbare derkewtineweyi nasiname nawçeyî û xêllekîyekane, herweha le wllatî sûriyaşda dakşanî rewtî nasiyonalîstî ruwîda û nasinameyi tayefegerî giringîyekî ziyatirî bedesthêna. kewate pêm waye lêreda derencamêkî têkellman heye, çunike le nawçeyi rojhellatî nawerrastda le hendê şwên nasiyonalîzim le hellkşandaye, bellam le hendê şwênî dîke nasiyonalîzim le dakşan û paşekşedaye.
* amajetan be wllatî s'udiye krd, ke êsta ême dezanîn şazadeyi cênşînî ew wllate, mḧmd bin selman, destî dawete cêbecêkrdinî proje û karinameyekî berizefrrane, le bwarî lîbrallîzekrdinî abûrî û zor bwarî dîkeda, prsiyareke eweye, aya gerranewe û cextkrdinewe leser nasiyonalîzim beşêkî binerretî û danebirrawî projekeyetî?
- be dllinyayiyewe, eme beşêk le projekeyi pêkdehênêt, çunike bêguman nasiyonalîzimîş heman projeyi corawcorekrdinî serçawekanî abûrîye.
* pêt waye grûpe ayînîyekan û piyawanî ayînî lew wllateda le ast kar û projekanî mḧemed bin selmanda hîç kardaneweyekiyan debêt?
- eger be raşkawî bidwêm ewa min pêşbînî kardanewe û perçekrdarm krd le layen piyawan û grûpe ayînîyekan û damezirawe ayînîyekanewe, bellam eweyi ta êsta bedîman krduwe eweye ke em layenane bêdengn û minîş nazanm hokarî em bêdengiyeyan çîye, aya meseleke eweye ke lêyi detirsin û tirsiyan le serkutkarîyekeyi heye, yan hokareke eweye ke le rastîda ewan lewe lawaztir bûn ke ême wênaman dekrd. kewate dûpatî dekemewe ke be dllinyayiyewe min çawerrwanî ewem dekrd ke kardanewe û perçekrdariyan hebêt, bellam ta êsta ême nemanbîniywe, leber ewe eger be raşkawî bidwêm ewa min lem ruwewe ta radideyek dûçarî sersurrman bûm.
* hellsengandin û xwêndinewetan bo ew proje û berinameyeyi mḧemed bin selman destî dawetê çîye, aya pêt waye serkewtu debêt û detwanêt drêje be berinamekeyi bidat?
- min bawerrm waye hêşita zuwe eme yeklabikeyinewe, be raşkawî deyllêm hêşita zor zuwe bo eweyi eme yeklabikeyinewe.
* le wellamî prsiyarî yekemda amajet be egerî rûdanî pêkdadan û hellgîrsanî şerr lenêwan herdu wullatî êran û emirîka krd, dekrêt hokarekanî em pêşbîniyet rûn bikeytewe, yan ba billêyin aya ew gorranikarîyane ke le siyasetî dereweyi îdareyi serok donalld tirempda le ast êran û nawçeyi kendaw be taybetî be berawrd be siyasetekanî îdareyi pêş xoy( îdareyi obama) bedî dekrên çîn?
- be dllinyayiyewe gorranikarî ruwîdawe, çunike ême dezanîn îdareyi serok obama xwaziyarî asayîkrdineweyi peywendîyekan bû legell wllatî êranda, ke encamdanî rêkkewtinî etomîş legell ew wllateda hengawî yekem bû be arrasteyi asayîkrdineweyi peywendîyekan, bellam aşkraye ke îdareyi serok donalld tiremp ecêndayekî tewaw ciyawazî heye, ecêndayi tiremp eweye ke ḧkumetî êran birrûxêt, xwaziyarî berpabûnî şorrşe le êran, kewate detwanîn billêyin eme rêçkeyekî tewaw ciyawaze. prsiyarekeş layi min eweye, aya ew fşaraneyi îdareyi emirîka le dijî êran mumareseyan dekat besin bo hênanedî amance rageyenrawekanî, yan ew fşarane ewende zorin ke le encamda debinehoyi eweyi êran naçar bêt kardanewe û perçekrdarî hebêt û pena bo encamdanî krdeweyi tundutîj bibat û le berjewendîyekanî emirîka bidat, îdî be şêweyekî rastewxo bêt, yan le rêyi grûpe wekîlekanîyewe, ke eger emeş rûbidat ewa egerî ewe heye serbikêşêt bo pêkdadan le nêwaniyanda. eger emeş rûbidat ewa eme mayeyi karesat û tirajîdiya debêt, lem rwangeyewe min umêdewarm hîç şerrêk rûnedat le nêwan wîlayete yekgrtwekanî emirîka û wllatî êranda.
* êwe amajetan bewekrd ke siyasetî îdareyi serok donalld tiremp tewaw ciyawaze le siyasetekanî îdareyi obama le ast em nawçeye, be taybetî le ast êranda, prsiyareke eweye, aya pêt waye pallinerî siyasetekanî tiremp brîtîye le sirrînewe û hellweşandineweyi siyasetekanî obama lem nawçeyeda?
- eme le beşêkîda raste, wate le beşêkîda brîtîye le pêçewanekrdineweyi tewaw kar û siyasetekanî îdareyi obama, bellam legell eweşda debêt ewe billêyin ke serok donalld tiremp felsefe û ewlewyetî taybet be xoyi heye, ke hîç peywendîyekiyan be obamawe nîye. wate gumanî têdanîye ke serok tiremp dijî hemû ew kar û siyasetaneye ke obamayi encamîdan, bellam ew hellgrî hendê boçûn û têrrwanîne ke degerrênewe bo pêş serwextî îdareyi obama, lêreda detwanîn amaje be bûnî kesêkî wek con bollton bikeyin le nêw îdareyi tirempda rawêjkarî asayşî neteweyiye û bo maweyekî durudrêje pşitiywanî le gorrînî desellat le êranda dekat, wate tenanet pêş eweyi ke berrêz barak obama xoyi kandîd bikat bo postî serokayetî emirîka. lem rwangeyewe ewe aşkraye ke berrêz tiremp ewlewyetî taybet be xoyi heye û meseleke ewe nîye siyasetekanî teniya peywestin be pêçewanekrdineweyi birriyarekanî obama, wate raste beşêkî peyweste be obamawe, bellam hendêkî dîkeş peywestin be xudî ewlewîyetekanî xoyewe, wek behêzkrdinî peywendîyekanî legell îsirayl û perepêdanî û behêzkrdinî peywendîyekanî legell wllatî 'erebstanî s'udiye û rûxandinî ḧkumetî êran û eger bikrêt le ruwî serbazîyewe be tewawetî le nawçeyi rojhellatî nawerrast bikşêtewe. bo nmûne: ême bînîman tiramp xwaziyarî ewe bû ke be tewawetî le sûriya bikşêtewe. bellam ewebû dwatir pêyi wutira nexêr to natwanît em kare bikeyt.
* eger ême dûbare bigerrêyinewe bo basî 'erebstanî s'udiye, aya pêt waye em wllate siyasetêkî derekîyi tundtir û serkêşanetir piyade dekat, be taybetî êsta têweglawe le şerrî yemen, herweha muqate'eyi wllatî qeterî krd, em gorranikarîyane le siyasetî dereweyi s'udiyeda çon dexwênêtewe?
- bellê, min pêm waye nek le êstada bellku le sallî 2003ewe, wate le dwayi dagîrkrkrdinî 'êraqewe berprsanî 'erebstanî s'udiye birriyariyandawe, yan geyşitûnete ew qena'eteyi ke çîtir natwanin le bwarî eminîda mtmane be emirîka biken, leber ewe bawerriyan wabuwe ke pêwîste pere be twana serbazîyi û siyasîyekanî taybet be xoyan biden, lem rwangeyewe ewan dijî dagîrkrdinî 'êraq bûn le sallî 2003da, le heman katda dijî birriyarekeyi îdareyi serok barak obama bûn katêk wîstî emirîka terkîz û bayexî ziyatir be asiya bidat û destiberdarî nawçeyi rojhellatî nawerrast bêt. herweha dwatir dijî birriyarî emirîka bûn be kşandineweyi hêzekanî le wllatî 'êraq, be heman şêwe ewan dijî siyasetekanî îdareyi barak obama bûn le beramber ḧusinî mubarekda, mebestm le destiberdarbûnî emirîka bû le serok mubarek, le heman katda dijî siyasetekanî serok obama bûn le ast îxwan muslmînda, lelayekî dîkewe s'udiye dijî encamdanî rêkkewtine etomîyeke bû ke legell êranda wajokra. kewate le derencamda detwanîn billêyin xodûrxistineweyi s'udiye le emirîka proseyeke ke deyeyek, yan detwanîn billêyin deye û niywêke destî pêkrduwe.
* ême basî projekeyi şazadeyi cênşîn mḧemed bin selmanman krd, aya amancekanî le çîda çirr debinewe?
- be têrrwanînî min ew dû amancî heye ke xwaziyarî bedîhênaniyane, yekemiyan brîtîye le corawcorkrdinî serçawe abûrîyekanî wllatekeyi beder le serçaweyi newt, duwemiyan brîtîye le binyatinanî twanayekî abûrî ke pşit be newt nebestêt, ke pêm waye emeş karêkî zor qurs û dijware. amancî duwemiyan eweye s'udiye le nawçekeda bikate hêzêkî serbazî û siyasî le nawçeyi rojhellatî nawerrastda, ke hem twanayi bergrî le xokrdinî hebêt û hem bitwanêt destirroyşituwîyi xoyi le nawçekeda drêj bikatewe, kewate min pêm waye ew em dû amanceyi heye. eweyi lêreda şayenî amajepêkrdine eweye ke em dû amance, amancî bawkî bûn.
* pêt wanîye le derencamî em binyatinanî hêze serbazîyewe lelayen s'udiye doxeke be aqarî pêkdadanî serbazî legell wllatî êranda birrwat, aya egerêk lem çeşne le aradaye?
- nexêr, min pêşbînî egerî rûdanî rûberrûbûneweyi serbazî lenêwan herdu wllatî êran û 'erebstanî s'udiyeda nakem, leber eweyi herdû wllatekewe be wriyayiyewe hellsukewt deken, eweyi peywendî s'udiyeşewe hebêt ewa em wllate xwaziyarî wîlayete yekgrtwekanî emirîka biçête şerrewe legell êranda. bellam min pêm wanîye xudî 'erebstanî s'udiye xwaziyarî ewe bêt ke legell êranda biçête şerrewe.
* êwe şarezayi karubarî wllatanî kendawn, aya pêtan waye le êstada eweyi pêyi dewutirît encumenî harîkarîyi kendaw le ruwî emirî waqî'ewe dûçarî îflîc bûn hatuwe, be taybetî dwayi ew siyaseteyi ke s'udiye leberamber qeterda grtiyeber?
- min bawerrm waye le êstada ew encumene lawaz buwe, egerçî xoyi le xoyda le seretawe encumenêkî behêz nebû. çunike hîç katêk encumenî harîkarîyi kendaw xawenî hêzêkî serbazî yekgrtû yan xawen stiratîjiyetêkî serbazî yekgrtû nebuwe. be şêweyekî gşitî detwanîn billêyin em encumene teniya le çend prs û babetêkî diyarîkrawda hellwêstî yekgrtuwî hebû, bellam hendê meseleyi dîke hebû ke endamekanî le astîda hawhellwêst nebûn. bellam bedllinyayiyewe behoyi muqate'ekrdinî qeterewe lawaztire û le êstada rêzêkî kemtirî lêdegîrêt le astî cîhanda behoyi em kêşanewe. bellam herwek amajem pêkrd em encumene xoyi le xoyda grûpêkî behêz nebuwe.
* aya s'udiye twaniyuyetî ew amancane bedî bihênêt ke xwaziyarî bû behoyi muqate'ekrdin û fşarxistineser qeterewe bedestî bihênêt?
- ême dezanîn amancî 'erebstanî s'udiye ewebû karêk bikat qeter naçar bikat çîtir darayî desteber nekat bo rêkxirawî îxwan muslmîn, herweha wîstiyan siyaset û hellwêstekanî qeter tebabêt legell siyasetekanî s'udiyeda, be taybetî le bwarî siyasetî dereweda, wek birrînî peywendîyekan legell êran û ...htd. bellam aşkraye ke wllatî qeter hîç yekêk lem karaneyi nekrduwe. kewate nexêr 'erebstanî s'udiye amancekanî bedî nehêna le peywendîda be qeterewe.
* kewate eweyi dûçarî 'erbestanî s'udiye bû brîtîye le behelledaçûnî ḧîsabatekanî?
- min nazanm be helledaçûnî ḧsabat bû, yan na, bellam be dllinyayiyewe buwehoyi lawazkrdinî qeter, çunike qeter naçar bû pareyekî zor xerc bikat bo kemkrdinewe karîgerîyiyekanî muqate'eke. herçonêk bêt s'udiye pêyi wabû ew barudoxeyi pêşitir hebû le peywendî be wllatî qeterewe qabîlî ewe nebû berdewam bêt û drêje bikêşêt. leser em binemaye renge pêyi wabubêt ke muqate'ekrdin rêgaçareyekî başitire le drêjekêşanî ew barudoxeyi ke pêşitir le arada bû. le êstada s'udiye pêyi waye raste barudoxeke mîsalî nîye, yan bê kem û kurrî nîye, bellam pêyi waye lew helumerce başitire ke pêşitir le arada bû.
* eger bigerrêyinewe bo prsî êran, aya pêt waye sza û fşarekanî emirîka debinehoyi eweyi ḧkumetî êranî naçar bêt sazşî qurs bikat, yan em sza û fşarane karîgerîyan nabêt û derencamî pêçewaneyan lê dekewêtewe?
- min bawerrm bewe nîye ke ḧkumetî êranî le encamî em fşar û szayanewe ke îdareyi serok donalld tiremp sepandûyetî beser ew wllateda dûçarî darrûxan bêt. bellam eweyi egerî rûdanî heye le êran brîtîye leweyi supayi pasdaran dest beser desellatda bigirêt, wate şêweyek le kudetayi serbazî rûbidat le naw desellatî ew wllateda. ke renge îdareyi tiremp pêşwazî le peresendinêkî lem çeşne bikat, çunike eme be manayi ewe dêt ke êran debête wllatêkî sextgîrtir û dujminêkî sextgîrtir. bellam dûpatî dekemewe ke rûxanî desellatî êran egerêk nîye ke zor rêyi têbiçêt. wate pêşbînî rûxanî desellat le êran nakem, bellam pêm waye gorranikarî le naw desellatî ew wllateda drust debêt, ke le derencamda hellwêst û siyasetêkî sextgîrtir degrêteber ke renge eme peresendinêkî pêşwazîlêkraw bêt bo îdareyi tiremp.
* bellam aşkraye ke êran stiratîjiyetêkî karayi grtoteber bo perepêdan û drêjkrdineweyi destirroyşituwîyi xoyi le çendîn wllatî nawçekeda, le rêyi pşitibestin be wekîlekanî û be karaktere ẍeyre dewlletîyekan bo behêzkrdinî pêgeyi xoyi lem nawçeyeda, aya pêt waye êran dwayi em sza û fşarane ziyatir pere bem stiratîjiyete dedat?
- bellê, pêm waye eme stiratîjiyetêke ke zor serkewtû buwe bo êran, çunike em stiratîjiyete bargranîyekî zor leser şanî êran drust nakat, herweha êran detwanêt xoyi le berprsiyarêtî bşarêtewe, çunike êran detwanêt bangeşeyi ewe bikat ke ew berprs nîye lew karaneyi encam drawn, detwanêt bîxateestoyi ḧzbullayi lubinanî û ḧeşdî şe'bî le 'êraq. kewate eme stiratîjiyetêkî zor serkewtû buwe.
* aya le êstada berjewendî û têrrwanînî îsirayl û s'udiye le ast êranda yekîgrtotewe?, be taybetî ke herdû em wllate êran be herreşeyekî wcudî bo ser xoyan dezanin rayi êwe lem bareyewe çîye?
- bellê eme raste, bellam prsiyareke eweye, aya çîyan pêdekrêt lem bareyewe. wate egerçî têrrwanînekanîşiyan lêkinzîk bêt, çon em lêkinzîkîye dekene karêkî bercestekraw. min nazanm çon detwanin em kare biken. wate pêm wanîye 'erebstanî s'udiye û îsirayl hêzêkî hawbeş pêkbihênin û hêrş bikeneser êran.
* êwe wellamî ew prsiyaretan dayinewe ke peywest bû be egerî hellgîrsanî şerr le nêwan s'udiye û êran, bellam aya hîç egerêkî aşitewayî le nêwan em dû wllateda nîye be çeşnêk ke bitwanin hawkarî yektir biken lebrî eweyi dijayetî yektir biken?
- eger eme rûbidat ewa karêkî baş debêt. bellam pêm wanîye egerî rûdanî eme le arada bêt. herçonêk bêt karêkî başe eger s'udiye û êran bitwanin gftugo legell yektir biken le bareyi yemenewe le pênaw westandinî şerr lew wllateda. bellam be daxewe nabînm eme rûbidat.
* bellam serokî pêşuwî emirîka pêyi wabû debêt êran û s'udiye be hawbeşî îdareyi em nawçeye biken?
- em boçûne cêyi dax bû, leber eweyi s'udiye pêyi wabû eme be corêk le corekan î'tîrafkrdine beweyi êran lenêw cîhanî 'erebîda hendê mafî rewayi heye, herçonêk bêt serok obama hendê helleyi krd, ke pêm waye yekêk le hellekanî ewebû ke ew em boçûneyi xisterrû, ke buwehoyi eweyi le nêw s'udiyeda hîç dostêkî bo nemênêtewe.
* bellam le êstada s'udiye û êran tewaw dij û pêçewaneyi yektirin be çeşnêk destkewt û serkewtinî her layekiyan leser ḧsabî ewî dî hejmar dekrêt, boçûnî êwe lem bareyewe çîye?
- bellê eme cêyi daxe û eme derencamî xirapî lêkewtotewe leser herdulayan. kewate min hawrram lem ruwewe, û be daxewe min rêgayekî derbazbûn û rêgaçareyek bedî nakem le hîç layekiyanewe, çunike herdûla(êran û s'udiye) le hewllî şksthêpênanî ewî dîkedan.
* kewate eme qederî peywendîyekanî nêwan em dû wllateye?
- bellê pêm waye, min umêdm dexwast ptir geşbîn bûmaye.
* eyi çon le ayîndeyi nawçeke derrwanît be şêweyekî gşitî, aya hîç umêdêk heye ke hengawî berçaw û berceste binrêt bo dûbare bujandineweyi abûrî û binyatinanî doxêkî siyasî seqamgîr le wllatanî em nawçeyeda?
- eger be raşkawî bidwêm, min eme bedî nakem. min xozgem dexwast bmtwaniyaye em umêde bedî bikem, bellam bedî nakem. bo nmûne: nabînm awêtebûnêk le ser astî nawçeke bedî bêt û rûbidat.
* aya pêt waye debêt emirîka rollêkî kemtir, yan ziyatirî hebêt lem nawçeyeda bo eweyi bitwanêt le başitirkrdinî doxeke hawkar bêt?
- em bende be siruşitî ew rolleyi emirîka deybînêt, eger rollêkî îcabî bêt, ewa derencamî başî lêdekewêtewe, bellam pêm waye hemû roll û destêwerdane serbazîyekanî emirîka lem nawçeyeda derencamî slbiyan hebuwe, eweyi bedîman krduwe le emirîka eweye ke ew wllate twanayi têkşkandinî heye, bellam nazanêt çon barudoxekan çak bikatewe.