pêdeçêt xulî nwêyi encumenî nwêneranî 'êraq legell xulekanî dîkeyi em nawende yasadanereda ciyawazîyekî zorî hebêt, betaybetî ke corêk le hemahengî lenêwan desteyi serokayetîyi perlemanda bedî dekrêt, fraksiyone kurdistanîyekanîş be arasteyi karî hawbeş û pêkeweyî û kurdistanî çendîn hengawî giringiyan hellgrtuwe. şêwazî karkrdinî em çend mangeyi rabrdû le perlemanî 'êraq û karîgerîyi serdanî barizanî bo beẍda û basî budce û mûçeyi xellkî kurdistan û tawtwêkrdinî prsî asayîkrdineweyi kerkûk û çend tewrêkî hestiyarî dîkeyi doxî herêmî kurdistan û 'êraq nawerokî em dîdareyi gullan legell d.beşîr ḧedad cêgrî serokî encumenî nwêneranî 'êraq pêkdehênin.

kêşeyi kerkûk be dû klîl dekrêtewe ke yekêkiyan beẍdaye û ewî dîkeyan herêmî kurdistane



* hest dekrêt xulî emcareyi perlemanî 'êraq be şêweyek le şêwekan le xulekanî pêşû ciyawaze û corêk le hawkarî û hemahengî lenêwan desteyi serokayetîyi perlemanda bedî dekrêt, aya dekrêt basî şêwazî karkrdinî em çend mangeyi rabrdûman bo bikeyt?
- be nawî xwayi bexşnde û mîhreban. lem çwar mangeyi destpêkî werizî yekemî em xuleyi perleman, teniya xerîkî ewe buwîn ke serokayetîyi perleman û serok komar helbijêrîn û ḧkumet pêkbihênîn, lîjnekanî naw perleman dûbare pêkbihênînewe û endamanî fraksêonekan beser lîjnekanda dabeş bikeyin, herweha karman leser prroje yasayi budce krduwe û em yasayeş pesend krawe û têperriywe. le perrawêzî em kare gşitîyaneyi perlemanda, xom wek cêgrî serokî perlemanî 'êraq hewllmdawe her leseretawe cge le karî yasadanan û çawdêrîyi perlemanî, nexşerrêgayek bo çwar sallî dahatuwî karkrdinm dabirrêjm leser binemayi dû araste ke brîtîn le yekem: kokrdineweyi fraksiyone kurdistanîyekan û lêkinzîkrdineweyan be mebestî drustkirinî têgeyşitinêkî hawbeş lenêwaniyanda, emeş leber ewe bû, pêşitir corêk le sardî û allozî lenêwan fraksiyone kurdistanîyekan le beẍda hebû, eme wek hewllêk bû bo eweyi ew sardî û allozîye kotayî pêbihênrêt. bo em mebesteş hemû fraksiyone kurdistanîyekan bêcge le fraksiyonî (neweyi nwê) be dengewehatinyan bo karî pêkeweyî hebuwe, ta êstaş çendîn kobûneweman legell serokî fraksiyonekan û kobûneweyekîşman legell koyi endamanî fraksiyone kurdistanîyekan encamdawe, herweha birriyarman dawe lîjneyek be nawî (lîjneyi hemahengîyi fraksiyone kurdistanîyekan) drust bikeyin û hemû mangêk kobibînewe bo eweyi rayi hawbeş leser prse kurdistanîyekan drust bikeyin. duwem: hewllmandawe leser binemayi lêktêgeyşitin û karî hawbeş legell layenî 'erebî le 'êraqda peywendî drust bikeyin, hem lenaw perlemanda legell fraksiyonekanî şî'e û sunine, hem le dereweyi perlemanîş hewllmandawe lînikêk legell layene siyasîyekan drust bikeyin, bo em mebeste serdanî zorbeyi fraksiyonekan û serkrde siyasîyekanî 'erebman krduwe, boye em dû hengawe, kobûneweyi fraksiyone kurdistanîyekan û frawanikrdinî peywendîyekanman legell layene siyasîyekanî 'erebî 'êraq giringtirîn ew karane bûn ke le maweyi rabrdû pêyewe xerîk buwîn.
* êwe kandîdî partî dîmukratî kurdistanin bo em poste û bêguman karekantan rengdaneweyi berinameyi partîye le naw proseyi siyasîyi 'êraqda, aya fraksiyone kurdistanîyekan wellamdaneweyan bo karî pêkeweyî û hawbeşîyi kurdistanî le çi astîkda bû?
- bellê, min kandîdî serkrdayetîyi partî dîmukratî kurdistanm bo em poste, siyasetî partîş le naw proseyi siyasîyi 'êraqda hemû kat bew arasteye buwe ke nwêneranî herêm be yekdengî û yek hellwêstî dakokî le mafekanî xellkî kurdistan biken, her boye ke em posteman wergrt, pêwîst bû wek nwêneranî xellkî kurdistan pêkewe kobibînewe, xoşitan dezanin hemû ḧzbekan xellkî destebijêr û ekadîmî bo endam perleman helldebijêrin û ewaneşî emcare bibûne endam perlemanî 'êraq beşî zoriyan taze bûn, boye debû pêkewe têgeyşitinêkî hawbeş drust bikeyin, leser em binemaye her le seretayi destibekaribûnmanewe dawaman krd legell serokî fraksiyone kurdistanîyekan kobibînewe, lem kobûneweyeda cextman leser ewe krdewe ke ême hemûman nwênerayetîyi mîlletêk dekeyin, nek teniya layenêk, wate peyamî mîlletêkman pêye ke ewîş gelî kurdistane, herweha raste ême her fraksiyonêkman ser be layenêkî siyasîyi diyarîkrawîn û debêt pabendbûnman be siyasetî layenekeyi xoman hebêt, bellam le prse nîşitmanî û neteweyiyekanda ke peywestin be berjewendîyi xellkî kurdistan, koyi layene siyasîyekanî kurdistan xallî hawbeşî zoriyan heye û pêwîste ême leser em prsane yek deng û yek hellwêst bîn, eweşî peywendî be têrrwanîn û siyasetî ḧzbîyewe hebêt, ewa her fraksiyonêk azade çon bîr dekatewe. supas bo xwa, leser em prse hemû layek yekdeng û yek hellwêst buwîn, boye dwayi em kobûneweye çendîn kobûneweyi dîkeman encamda, emeş nek her legell serokî fraksiyonekan, bellku legell her 58 perlemantarekeyi fraksiyone kurdistanîyekan û dû kota kobuwînewe, cge le (fraksiyonî neweyi nwê) ke her le seretawe baykotî kobûnewekanî fraksiyone kurdistanîyekaniyan krd, diyare le xulekanî pêşûtirda hawpeymanîyi kurdistanî hebû, em hawpeymanîye wek yek fraksiyon karî dekrd, êstaş tabiloyi em hawpeymanîye lenaw perlemanî 'êraqda mawe, katêk dawa kra ke ew tabiloyeyi (hawpeymanîyi kurdistanî) labibrêt, çunike nemawe, pêşniyarman krd ba ew tabiloye herbmênêt bew hiywayeyi rojêk heman hawpeymanî drust bibêtewe û hemûman pêkewe wek fraksiyonî hawpeymanî kurdistanî le naw perlemanî 'êraq dakokî le mafekanî xellkî kurdistan bikeyin. eweyi cêgeyi dllixoşîye, eweye ke akamî başî em yekrrîzîye dakokîkrdin bû le pşkî kurdistan le yasayi budceyi 'êraq, ke twanra ew dakokîye serkewtû bêt û budceke têperrêt, bellam lêşitan naşarmewe, hendêk carîş em hemahengîye leser hendêk prs û boçûnî ciyawaz lenêwan layene siyasîyekanda drizî têdekewêt, wek prsî hellbijardinî serok komar û prsî dananî wezîrî (dad) le ḧkumetî 'êraqda.
* aya hewlltan nedawe ciyawazîyi têrrwanînî layene siyasîyekan le yektirî nzîk bikenewe bo eweyi ew driz û kelênaneş prr bikenewe?
- bellê, bîrman lemeş krdotewe, geyşituwînete ew qena'etey, çend peywendîyi nêwan layene siyasîyekan le kurdistan le yektirî nzîk bêt û têgeyşitî hawbeş le nêwaniyanda hebêt, ewa karekeyi êmeş le beẍda asantir debêt. her bo em mebeste le gerraneweyi emcareman bo kurdistan birriyaman da ke serdanî hemû layene siyasîyekan bikeyin, em serdanane le rojî pênc şemmeyi rabrdû (7/2/2019) destman pêkrduwe û pêman rageyandûn, ême wek nwêneranî gelî kurdistan le beẍda dawatan lêdekeyin le kurdistan leser ciyawazîyekanî nêwxotan rêkbikewn bo eweyi ême le beẍda behêz bîn, supas bo xwa eweyi lew kobûnewane gwêman lêyi buwe, peroşîyi layenekan buwe bo behêzîyi nwêneranî kurdistan le beẍda û emeş cêgeyi dllixoşîye.
* dekrêt destpêkî karî nwêneranî kurdistan le xulî emcareyi perlemanî 'êraqda be destpêkêkî serkewtû le qellem bidrêt, her em sereta serkewtuweş buwe hokarî eweyi barizanî serdanî beẍda bikat û her lewê raygeyand derfetêkî baş hatote pêşewe, aya giringîyi ew serdaneyi barizanî bo beẍda çon helldesengênin?
- serdanî serok barizanî bo beẍda be manayi wşe serdanêkî mêjuwîyi û giring bû, leber eweyi bem serdane bestellekî nêwan herêm û beẍdayi twandewe û rollêkî hêcgar gewreyi le asayîkrdineweyi peywendîyekanî herdûlada hebû, boye em serdane hêz û twanayekî gewreşî be ême bexşî bo eweyi bitwanîn ziyatir karibikeyin. raşkawane dellêm ew destkewteyi le pşkî kurdistan le yasayi budceyi 'êraq bo emsall bedesthatuwe, hokare serekîyekeyi serdanekeyi serok barizanî bû bo beẍda, emeş leber ewe bû be hatinî berrêziyan bo beẍda layene siyasîye 'erebîyekanî 'êraq le nîyetpakîyi berrêziyan têgeyşitin ke ew amanciyetî kêşekanî nêwan herêm û beẍda be diyalog û lêktêgeyşitin çareser bikrêt, bemeş fraksiyone 'erebîyekan le prsî budce nermîyan nwand û twanra têperrêndrêt, carêkî dîke dûpatî dekemewe, raste hemû fraksiyone kurdistanîyekan pêkewe karman krd û mandû buwîn le serkewtinî em prseda, bellam be wîjdanewe debêt ew rastîyeş billêyin ke karîgerîyi serdanekeyi serok barizanî hêndeyi hemû hewllekanî ême û ziyatirîş rollî hebû bo asanikrdinî karekanî ême.
* serdanî barizanî bo beẍda çi peyamêkî raşkawaneyi bo beẍda le xo grtibû?
- serdanî serok barizanî peyamêkî bo beẍda le xoyi grtibû, ke herêmî kurdistan destî aşitî drêj krduwe û deyewêt kêşekan be aşitî çareser bikrêt û demanewêt laperreyekî nwê hellbidrêtewe û peywendîyekî taze legelltan drust bikeyinewe, bellam bew merceyi êweş be siyasete çewtekanî xotanda biçnewe û dûbareyi nekenewe legellmanda. ke layene siyasîyekanî beẍda em peyame raşkaweyan le serok barizanî bîst, ewanîş peyamî xoyi pêşkeş krd, peyamî ewan ewe bû: bellê cenabî serok, pêtan radegeyenîn, êwe wek herêmî kurdistan çend pêwîstan be beẍda heye, beẍda zor ziyatir pêwîstî be herêmî kurdistane bo berdewamîyi proseyi siyasî û seqamgîrî le 'êraqda, bellam ba bprsîn em peyameyi beẍda be çî derkewt? bêguman be raxistinî ferşî sûr û ew pêşwazîye berizeyi le serok barizanî kra, eme le katêkda cenabî serok barizanî hîç postêkî fermîyi dewlletî nîye, heta ferşî sûrî bo rabixirêt, boye em pêşwazîye berize manayi ewe bû, çon êwe pêwîsttan be beẍdaye, beẍda be heman ast û ziyatirîş pêwîstî be herême, ewca eme nek her le beẍda, bellku le necefîş her ferşî sûrî bo raxira, emeş nîşaneyi eweye ke nek her ḧkumet, bellku layene siyasîyekanîş çawerrêyi ewen ke serok barizanî rollêkî gewre bigêrrêt, lemeş ziyatir leser astî nawçekeş le çend rojî rabrdû bînman çon şayi urdin pêşwazî le serok barizanî krd, herweha bînîman çon wezîrî dereweyi emirîka serdanî serok barizanî krd, herweha hatinî rojaneyi ew hemû serok wezîr û wezîraneyi lew wllatanî ciyawazî dinyawe serdanî hewlêr deken, emane hemûyan yek rastîman pê dellên, ewîş eweye ke cenabî serok barizanî û herêmî kurdistan rollêkî diyaru berçawyan leser astî 'êraq û nawçeke û cîhanîş heye û eme têrrwanînî 'êraq û nawçeke û cîhane bo ew rolle gewreyeyi serok barizanî deygêrrêt.
* aya le serdanekeyda bo beẍda, tewerî serekî gftogokanî barizanî legell koyi layene siyasîyekanî 'êraq leser çî bû?
- nek be teniya ême, bellku koyi serkrde siyasîyekanî 'êraq (be şî'e û suninewe) serdanekeyi serok barizanî be mêjuwîyi û giring wesf deken, eme manayi eweye em serdane be klîlî asayîkrdinewe û çareserkrdinî kêşekanî nêwan herêm û beẍda le qellem drawe, boye le miyanî gftogokanda serok barizanî zor raşkawane cextî leser koyi ew kêşane krdotewe ke lenêwan beẍdaw herêm bûnî hebuwe, wek: dûbarenebûneweyi ew siyasete hellaneyi pêşitir rûyandawe, dananî mîkanîzimêk bo asayîkrdinewew çareserî nawçe kêşe le serekan û destpêkrdineweyi hewllekan bo cêbecêkrdinî madideyi 140, çareserkrdinî nakokîyekanî hewlêr wbeẍda leser yasayi newt û gaz, çareserkrdinî pşkî kurdistan le yasayi budceyi 'êraq w.. htd, boye be drustkrdinî rayelleyi têgeyşitin leser em prsane karekanî êmeyi le perlemanî 'êraq zor asan krd, le beramberîşda berrêz d. 'adl 'ebidulmehdî serok wezîranî êstayi 'êraq, kesêkî şayste û lêhatuwe bo ew poste û wellamdanewekanî cdidîyetêkî zorî pêwe diyare bo çareserkrdinî kêşekan.
* wek cêgrî serokî perlemanî 'êraq çend carêk serdanî 'adl 'ebidulmehdî serok wezîrant krduwe, aya her serdanêkî rotînî buwe, yan bo amancêkî diyarîkraw bûn?
- min çend carêk serdanî serok wezîranî 'êraqm krduwe, carî yekem bo prsî pêkhênanî kabîneyi ḧkumet buwe, dwatir bo bedwadaçûnî akamî ew prsane çuwîn ke le dwayi serdanekeyi serok barizanî birriyar drawe hewllekan bo çareserkrdinyan bixirênegerr. ême berdewam bedwadaçûniyan bo dekeyin, le serdanî duwemman bo layi serok wezîran basman le rollî berrêziyan krd le çareserkrdinî kêşe hellpesêrawekanî nêwan herêm û beẍda, herweha hellgirtinî ew bazgane ke lenêwan (hewlêr – kerkûk û hewlêr – musll) danrabûn, herweha basî şayste darayiyekanî cûtiyaranman krd, leser hemû em prsane wellam û têrrwanînekanî berrêz serok wezîran zor waqî'î û îcabîyane bûn û cextî leser ewe dekrdewe ke debêt be zûtirîn kat ew kêşaneyi lenêwan herêm û beẍda mawn, çareser bikrên û nemênin, bêguman be krdeyîş hengawî başî hellgrtuwe û hemû ew birriyaraneyi ḧkumetî pêşuwî 'êraqî hellweşandotewe ke beramber herêm drawn, êmeş le perleman çendîn birriyarî ḧkumetî pêşûman hellweşandotewe, le yekêk le danîşitinekan legell serok wezîran, wezîrî newtî 'êraqîş amade bû, leser em prse baskra ke bepêyi yasayi budceyi 'êraq debêt kurdistan pabend bêt ke rojane 250 hezar bermîl radestî beẍda bikat, lem kateda wezîrî newtî 'êraq gutî: nexêr 250 hezar nîye, bellku debêt kurdistan rojane 485 hezar bermîl radestî beẍda bikat, minîş pêmgut: ême basî mu'edelî rojane dekeyin, lemeş ziyatir êwe maweyi çend salle budceyi kurdistantan birriywe û qerizarî êmen, ḧkumetî kurdistan be qerizî kompaniyakan twaniyuyetî jiyanêkî memirew mejî bo xellkî kurdistan dabîn bikat, ême ewe debînîn ke serok wezîran pşitgîrî lew bergrîyane dekat ke ême le mafekanî xellkî kurdistanî dekeyin.
* eger bigerrêyinewe bo prsî pşkî kurdistan le yasayi budceyi emsallî 'êraqda, aşkraye lew yasayeda pşkî kurdistan be 12.6% têperriywe, aya xellkî kurdistan dllî be çîyi em budceye xoş bêt?
- yasayi budce be rêje hat, bellam le seretada ke rêjeyi 17% wek pşkî kurdistan diyarî krabû, yasa nebû, bellku rêkkewtinî siyasî bû, boye hemû sallêk mşitumirr leser kemkrdineweyi drust debû, her bo dllinyayî xwêneranîşitan, lew kateyi benaw pşkî 17% bo kurdistan diyar krabû, hîç sallêk ew pşke rêjeyi 9-10% yi ziyatirî bo kurdistan nehatuwe, çunike be layekî dîke parekeyan debirrî, bellam emsall le wezaretî plandananî 'êraq serjmêrîyekî narastewxo krabû, bepêyi serjmêrîyeke kurdistan be nawçe kêşe leserekanîşewe 13.9% danîşituwanî 'êraq pêkdehênêt, bebê ew nawçane rêjekeyi 12.6%, le beramber eme ême çîman krd? gutman giring nîye rêjeke çende û esllen rêje layi ême giring nîye, bellam beşe yasayiyekanî xoman le yasayi budce çîye wek xoyi bmandenê, bo nmûne, mûçeyi fermanberanî kurdistan, mûçeyi pêşmerge, budceyi bekariber bo damezirawekanî ḧkumetî herêmî kurdistan, pşkî kurdistan le budceyi weberhênan, budceyi perepêdanî parêzgakan, le xercî serwerîyi û ḧakîme, ew xallaneyi herêmî kurdistan nagrêtewe, lew budce pşkî kurdistan biden û lêman mebirrin, boye be wergirtinî hemû ew pşkaneyi le madide ciyawazekanî budceyi 'êraqda heye, kurdistanîş degrêtewe, rêjeyi 12.6% be berarurd bew pşkeyi pêşitir be nawî 17% denêrdra, ziyatir debêt, her bo nmûne birrî 454 miliyar dînar mangane danrawe bo mûçeyi fermanberan, 68 miliyar dînar mangane bo mûçeyi pêşmerge ke dekate koyi 522 miliyar dînar mangane ke em birre peywendî be kêşekanî nêwan ḧkumetî herêm û ḧkumetî beẍdawe nîye, emeş seretayekî giringe bo peywendîyekanî dahatuwî nêwan herêm û beẍda.
* çon twanîtan emane le yasayi budceda bo herêmî kurdistan biçespênin?

- wek le seretada amajem pêkrd, serdanî cenabî serok barizanî barudoxekeyi gorrî û jîngeyekî tazeyi drust krd ke ême başitir demantwanî karibikeyin û layenekanî beramberîş nermîyi ziyatir binwênin, lelayekî dîkewe ême bîrman lewe krdboewe ke berdewam peywendîyi nêwan hewlêr û beẍda le tengje û hellkşan û dakşanda buwe, boye hemû kat ew hellkşan û dakşane karîgerîyi rastewxoyi leser nardin û nenardinî budceyi kurdistan krduwe, boye ême hewllmanda pşkî kurdistan lem hellkşan û dakşane bênîne derewe û be yasa bîkeyin be pabendbûn be ser ḧkumetî 'êraq û ḧkumetî herêmî kurdistanewe, her bo nmûne êsta ḧkumetî kurdistan debêt pabend bêt rojane 250 hezar bermîl newt radestî beẍda bikat, leberamber emeda beẍda budceyi herêmî kurdistan bidat, eme pabendbûnêkî yasayiye, bellam ba grîmaneyi ewe bikeyin, eger ḧkumetî herêm le ber her hokarêkî tekinîkî, yan şitî dîke neytwanî rojane ew birre radestî ḧkumetî beẍda bikat, ewa ḧkumetî beẍda detwanêt lew birreyi ke be nzîkeyi 10 tirliyon dînar bo budceyi kurdistan danrawe, ew birre pareye bibrêt ke ḧkumetî kurdistan newtî radest nekrduwe, bellam nabêt destkarîyi mûçeyi fermanberan bikrêt, ewan le wellamî emeda gutiyan çon debêt êwe newtîş radest neken û ême mûçekanîş binêrên? le wellamda pêman gutin, mûçeyi xellkî kurdistan peywendî be kêşeyi nêwan ḧkumetî herêm û ḧkumetî beẍdawe nîye, her boye katêk ḧkumetî beẍda kêşeyi legell ḧkumetî herêm debêt, prsiyar eweye aya destûr û yasa sinûrî desellatekanî herdû ḧkumetekeyi diyarî nekrduwe? wtiyan bellê, înca gutman ba her destûr û yasa kêşekanî nêwaniyan çareser bikat, ba ḧkumetî beẍda le dadgayi fîdrrallî gazndeyi xoyi leser ḧkumetî herêm tomar bikat, em prse çi peywendîyekî be fermanberanî kurdistanewe heye, heta mûçekeyi bibirrêt? lemeş ziyatir aya hawullatiyanî kurdistan 'êraqî nîn? le wellamda wtiyan, bellê, 'êraqîn, wtman başe eger 'êraqîn çon debêt ḧkumetî 'êraq wek 'êraqî seyrman nekat û mûçeyi fermanberan bibirrêt? boye pêman gutin, eger natwanin lêman gerrên rîfrandomekeyi xoman tewaw dekeyin û lêtan ciya debînewe, êwe ne bewe razîn ême 'êraqî bîn, ne beweş razîn lêtan ciya bibînewe, êwe kêşetan legell ḧkumetî herêm heye, bo gelî kurdistan sza deden? kêşekanî xotan legell ḧkumetî herêm be destûr û yasa çareser biken. lemeda geyşitine ew qena'eteyi ke nermî binwênin û prsî mûçeyi fermanberan û pêşmerge grê nedrêtewe be kêşekanî nêwan ḧkumetî herêm û beẍdawe. lêreda nabêt roll û mandûbûnî xuşk û brayanman û endamanî kurd le lîjneyi darayî le bîr bikeyin, ke be rastî hewllêkî zoriyanda û carî wa hebû ta se'at dû û sêyi şew kariyan dekrd, ke brîtîn lew berrêzane: (d. eḧmed sefar- serokî lîjne, eḧmedî ḧacî reşîd, huşiyar 'ebidulla, d. cemal koçer, şîrwan mîriza û îxlas sebaḧ.)

* xallêkî dîkeyi giring ke basî lêwe dekrêt meseleyi gêrraneweyi postekanî dîkeyi beẍdaye bo kurdistan, aya leser em prse kartan krduwe?
- bellê, em babeteş yekêk bû lew prsaneyi legell serok wezîran d. 'adl 'ebidulmehdî basman lêwe krd, leser em prse pêman rageyand, ême wek herêmî kurdistan beşman xurawe, nek her le prsî budce, ya madideyi 140, bellku çendîn post û ple le beẍda pşkî kurd bûn, wek brîkarî wezaret û serokî erkanî supa û rawêjkar û berrêweberî gşitî û şarezaw rawêjkar û ..htd, ke îsta be xellkî ẍeyre kurd prrkrawetewe, pêwîste emeş bigerrêtewe bo xellkî kurdistan, leberamber emeşda serok wezîran wtî emeş karî leser dekeyin û hemû postekantan bo degêrrînewe. bellam lêreda xallêkî giring heye ke debêt amajeyi pê bideyin, ewîş eweye ke zor caran hêndeyi xoman ẍedr le xoman dekeyin, hînde neyarekanman ẍedriyan lê nekrduwîn, ême eger lenawmallî xoman teba bîn û be hêzewe qse legell beẍda bikeyin, qena'etm waye hemû mafekanî xellkî kurdistan werdegrînewe. bellam eger layek hengaw binêt bo eweyi bînayek drust bikat û layekî dîke hengaw binêt bo eweyi bîrrûxênêt, ewa qet ew bînaye tewaw nabêt.
* dwayîn prsiyarman sebaret be prsî kerkuke, aya leser asayîkrdineweyi rewşî kerkûk geyşitûnete mîkanîzimêkî hawbeş?
- min qena'etm waye êsta beẍdaş geyşitote ew rastîyeyi ke kerkûk ne teniya be beẍda berrêwe deçêt, ne teniya be herêmî kurdistan, bellku klîlî çareserî kêşeyi kerkûk le beẍda û le herêmî kurdistane û ew kêşeye bew dû klîle dekrêtewe, bo emeş pêwîste be şêwazêk kêşeyi kerkûk çareser bikrêt, ke hemû pêkhatekanî şareke beşdar bin le berrêwebrdinî şarekeda, umêdewarm başitir em prse biçête pêşewe û hemû hêzekan lenaw şareke biçne derewe û parastinî asayşî şarekeş bidrête hêzêkî hawbeş ke hemû pêkhatekanî kerkûkî tîda bêt.