ulyam banks berêweberu damezrênerî amojgay asayşî neteweyî û berengarbûnewey tîrorîzme û profîsorî karubare nêwdewletîyekane le skûlî makswêl le zankoy sîrakîwz، bo tawtwêkrdnî prsekanî peywest be syasetî derewey îdarey donald tremp، betaybetî lepêwendî be nawçey rojhelatî nawerastewe û çrkrdnewey hewlekanî em îdareye bo têkşkandnî şerî da'ş û çend babetêkî pêwendîdarî dîke، gulan le myaney dîmaneyekda çend prsyarêkî arastekrdu euyş bem şêweye guzarştî le boçûnekanî krd.

* be têrwanînî êwe ta çend grtnedestî deselat lelayen donald trempewe amajeye be hatnearay serdemêkî nwê le karubare nêwdewletîyekanda؟
- le rastîda pêdeçêt wabêt، belam legel eweşda، debêt çawerê bkeyn û bbînîn، çunke donald tremp lêdwanî zorî da leserwextî helmetekanî helbjardn û pêş euey swêndî serokayetî bxwat ke amaje bûn be hatnearay gorankarî dramatîkî، belam eu tenya çend rojêke le hukmranîdaye، kewate bo euey bzanîn ke serokayetîyekey ç karîgerîyekî lêdekewêtewe، debêt bo maweyekî dîke çawerê bkeyn.
* aşkraye grtnedestî deselat lelayen trempewe narezayetî lêkewteweu eu narezayetîyeş be şêwey xopîşandan û rêpêwan guzarştî lêkra، aya xwêndnewey êwe bo em rûdawane çîye ؟
- aşkraye ke berhelstîyekî gewre heye bo eu gorankarîyeî ke leserwextî helmetekanî helbjardnda basî le encamdanyan krd، dekrêt eu berhelstîyane lelayen herdû partekewe bûbêt، dekrêt lelayen dorawekanewe bêt le hzbî dîmukratekan، ke boy heye karîgerîyekî kemî syasî hebêt. leber ewe debêt maweyek têperêt bo euey bzanîn ke karîgerî berhelstîyekan، yan dengî cyawazî nêw kabînekey çî debn، ke boy heye bbne berbestî djwar leberdem eu syasetaney ke xwazyare cêbecêyan bkat، belam eger ewane kemîne bn، ewa destroyştuuyyekî zoryan nabêt.
* kewate aya detwanîn blêyn ke dabeşbûn û cemsergîrîyekî qûl le nêw komelgey emerîkîda dêtearawe؟
- eme egerêke û zor rêy têdeçêt، leber euey dengdaneke û helbjardneke zor lêknzîk bûn û helmetekeş zor tund bû، amajey eweş learadaye ke dengderanî emerîka zyatr û zyatr dabeş bûbêtn lem salaney duayîda. dûpatî dekemewe debêt çawerê bkeyn bo euey bzanîn çon hukmranîyeke heldesûrêt.
* pêştr hîç serokêkî emerîka be aşkra amajey be tîrorîzmî îslamî nekrduwe، belam serok tremp le yekem wtarî serokayetîda em destewajeyeî bekarhênaw belênî têkşkandnî da، aya eme nabêtehoy dûrxstnewey cîhanî erebî û îslamî؟
- min nîgeranm lewey ke em akamey lêdekewêtewe، helbjardnî wşekan lelayen berêz trempewe cêy dax bû. min hîwadaram le heftekanî seretay serokayetîyekeyda rawêjkarekanî karî legel bken bo darştnî peyamêkî hawsengtr. pêmwaye serok obama karêkî zor başî krd le guzarştkrdn le syasetî eminî emerîka bo berengarbûnewey tîrorîzm be bê brîndarkrdnî hîç grûpêkî îtnî yan eayînî، hîwadarm berêz trempîş heman kar bkat.
* be boçûnî êwe aya kardanewey cîhanî erebî û îslamî leser em lêdwane çî debêt؟
- eger tonî lêdwanekanî negorêt û eger berdewam gutarî dj be muslmanan bdat، herwek euey le serwextî helmetekanî helbjardnda bînîman، ewa be dlnyaîyewe cîhanî îslamî kardanewey behêzyan debêt le djî، eu kateş hîç yekêk le ême gleyyan lênakat.
* serok tremp cext leser ewe dekatewe ke têkşkandn û lenawbrdnî da'ş yekêk debêt le eulewîîte serekîyekanî، êmeş dezanîn ke kurd rolî zor karay bînîwe le şerî dj be da'şda، kewate aya lojîkîye pêşbînî ewe bkeyn ke îdarey tremp le eayndeda hawkarî û pştîwanî zyatrî kurd dekat؟
- pêmwaye debêt zor baş aşna bkrêt pêş euey lem ruwewe bryar bdat. herweha min dlnyanîm lewey endame balakanî nêw nawendî asayşî neteweyî zanyarî û paşxanêkî zoryan hebêt lebarey kurdstan û xwastî kurdewe. umêdî min eweye ke wezîrî derewe û wezîrî bergrî hendê berçawrûnî bdenê lebarey nawçekey êweu cîhanewe pêş euey bryarî grng bdat.
* serok tremp le destnîşankrdnekanîda bo kêşey êraq obalî drustbûnî da'şî xste estoy bryarî îdarey obama bo kşanewe leêraq û herweha syasete zyanbexşekanî hkumetî bexda، kewate aya dekrêt blêyn tremp kar bo cêgîrkrdnî hêzî emerîka le êraq dekat û guşar leser hkumetî bexda dekat bo encamdanî çaksazî le prose syasîyekeda؟
- min pêmwaye euey leberçaw grtuwe ke eu syasetaney ta êsta pyadekrawn ta raddeyek serkewtû bûn، hêze êraqîyekan serqalî derperandnî da'şn le êraqda، egerçî ême dezanîn eme be xêrayî rûnadat û emerîkaş pştîwanî eu syasete û serkewtnî eu syasete dekat.
* belam pêtwanîye rewtî rûdaw û peresendnekan le êraqda be çeşnêkn ke bûnetehoy euey guman bkrêt lewey em wlate be yekgrtuuyî û yekparçeyî bmênêtewe؟
- belê، min hawra bûm legel boçûnekanî cêgrî serok، cozêf baydn ke cextî leser grngîî leberçawgrtnî cyawazîî nawçeyî le çwarçêwey xudî êraqda krd، legel pştîwanîkrdnî serbexoyî bo kurd. belam pêmwaye qenaetpêhênanî serkrdayetî tremp û endamanî îdarekey bo euey bem şêweye aşnabn be waqîeke û têgeyştnêkî qûlyan hebêt bo doxî êraq، kar û koşşêkî zorî dewêt.
* kewate pêtwaye nakrêt derkewtnî dewletî kurdî le asoda nadîde bgîrêt؟
- min hawram legel eweda û umêdewarîn lem serwexteda eu prse berewpêş bçêt.
* aya pêtwaye le haletî drustbûnî eu dewleteda، ewa danpêdananî nêwdewletî bedest dehênêt؟
- le emerîkada meseleke bende be serkrdayetî em wlatewe، çunke xelkî emerîka zanyarîyekî zoryan nîye le barey kurdstan û lebarey syaqî nawçekey êwe، leber ewe debêt serkrdayetî eu syasete bgrêteber ke basî lêwedekeyn û dwatr debêt wek pêwîst xelkî pê aşna bken bo euey bwar bo pştîwanîkrdnî eu syasete lem wlateda brexsêndrêt، ke pêwîste dwatr emerîka pere bem syasete bdat lenêw rêkxrawe nêwdewletîyekanda، wek netewe yekgrtuwekan.
* eî pêtanwaye drustbûnî dewletî kurdî xzmet be berjewendîyekanî emerîkaş dekat؟
- belê، pêmwaye drustbûnî dewletî kurdstan lem satewexteda xzmetî berjewendîyekanî emrîka dekat.
* pêtwaye îdarey tremp çon mamele legel êranda dekat، beleberçawgrtnî eu rastîyeî ke tremp hemîşe rexney le rêkkewtne etomîyeke grtuwe û be rêkkewtnêkî zor xrapî wesf krduwe؟
- min way debînm katêk wrde wrde aşna debêt be wrdekarîyekanî rêkkewtneke û be hemû layenekanî، ewa boy derdekewêt ke rêkkewtnêkî başew zor zehmet debêt ke helbstêt be helweşandnewey. raste îsraîl fşar dekat bo kşanewe le rêkkewtneke، yaxud bo gorînî bendekanî، belam be şêweyekî gştî zor layenî rêkkewtneke hen ke nek le berjewendî êranîyekandan be tenya، belku le berjewendî emerîkaşn.
* eî pêtwaye ç rêkarêk degrêteber bo îhtîwakrdnî êran؟
- le êstada gftugoyek berêwedeçêt legel îsraîl û herweha eurupyekanîşda bo îhtîwakrdnî êran û berdewambûn leser baştrkrdnî pêwendîyekan.
* eî pêtwaye debêt çî bkat bo dlnyakrdnewey hawpeymanekanî emerîka lem nawçeyeda؟
- pêmwaye debêt cext leser bazrganî û rêkkewtnî abûrî bkatewe، legel hawkarî keltûrî ke renge emane îcabîtrîn hengaw bn ke helîbgrêt، emeş be rewtêkî xêra rûnadat.
* pêşbînîyekant bo eayndey em nawçeye çîye؟
- baştrîn doxêk ke bêtepêşewe eweye pêwendîyekan legel êran û êraqda berew pêş bbat، herweha îsraîl hewl bdat bgate çareserêkî aştîyane legel felestînyekanda. legel hêwrbûnewey doxî sûrya le rêgey rêkkewtnî dîplomasîyewe le nêwan layenekanda، xraptrîn doxîş eweye ke astî tundutîjî berdewam bêt û wlatanîş bçne haletî dujminayetîyewe legel yekda û rêkxrawe tîrorîstîyekanî wek da'ş geşe bken.