خانمە هونەرمەند (خەجێ خدر) یەكەم پێشانگەی تایبەتی خۆی كردەوە
پێش نیوەڕۆی ئەمڕۆ چوارشەممە ڕێكەوتی 20/12/2023 لە گەلەری میدیا لە شاری هەولێر,خانمە هونەرمەند و شێوەكار(خەجێ خدر ئەحمەد) یەكەم پێشانگەی تایبەتی خۆی كردووە .
لە درێژەی كارو چالاكییەكانی بەڕێوەبەرایەتی هونەری شێوەكاریی هەولێر,بە ئامادەبوونی (فەرهەنگ غەفوور) بەڕێوەبەری گشتی ڕۆشنبیری و هونەری هەولێر و (ئازاد لەشكری) بەڕێوەبەری هونەری شێوەكاری هەولێر و ژمارەیەك لە هونەرمەندان,پێشانگەیەكی تایبەتی شێوەكاری و كاری دەستی بۆ خانمە هونەرمەند(خەجێ خدر ئەحمەد) بەڕێوەچوو .
لە پێشانگاکەدا چەند تابلۆیەکی ڕەنگین بە قەبارەی جیاواز و کارە دەستیەکانی هونەرمەند نمایشکران، کە بە شێوەیەكی گشتی كارە هونەرییەكان گوزارشتیان لە جوانی و ستایلی ئافرەت,وه كەلتوور و فەرهەنگی كوردی دەکرد.
ئەم پێشانگەیە بۆ ماوەی 2 ڕۆژ بەردەوام دەبێت و تاوەكو سبەی پێنجشەممە كراوە دەبێت,ڕۆژانە پێشانگەكە لە دوو كاتی جیادا كراوە دەبێت,بەیانیان كاتژمێر 9 تاوەكو 1ی نیوەڕۆ هەروەها كاتژمێر 3ی پاشنیوەڕۆ تاوەكو 5ی ئێوارە .
گوڵان-ئاسۆ كاكەیی
