فاسولیای سەوز Green beans دەوڵەمەندە بە ڕیشاڵ، ڤیتامینەكانی A، K، C، B1، B3، B9 (فۆلەیت)، لەگەڵ كانزاكانی ئاسن، پۆتاسیۆم، مەگنسیۆم، كالسیۆم، زینك، فۆسفۆر. سوودە تەندروستییەكان فاسولیای سەوز: هاندانی كرداری هەرسكردنی خۆراك، خۆپاراستن لە قەبزی، هاوسەنگكردنی بەكتریای سوودبەخشی ڕیخۆڵە، كە ڕۆڵی هەیە لە هەرسكردنی هەڵمژینی ماددە خۆراكییەكاندا، كۆنترۆڵكردنی هەستی برسیبوون و كۆنترۆڵكردنی كێشی لەش، خۆپاراستن لە كەمخوێنی، كۆنترۆڵكردنی ئاستی شەكری خوێن، باشتركردنی تەندروستیی ئێسكەكان بەهۆی ڕێژە بەرزەكەی ڤیتامین K لە فاسولیای سەوزدا، خۆپاراستن لە ئەگەری تووشبوون بە نەخۆشیی شەكرەی جۆری دووەم، هاندانی گەشە و پەرەسەندنی كۆرپە لە ئافرەتی دووگیاندا، سووككردنی نیشانەكانی خەمۆكی، بەهێزكردنی سیستمی بەرگریی لەش بەرانبەر بە هەوكردن و نەخۆشییەكان لەوكاتەی كە فاسولیای سەوز ڕێژەیەكی باشی ڤیتامین C لەخۆدەگرێت، كە دژەئۆكسانێكی بەهێزە و ئەم ڕۆڵە گرنگە دەبینێت، كەمكردنەوەی ئاستی هەوكردن لە لەشدا، پاراستنی تەندروستیی دڵ لە ڕێگەی جێگیركردنی پەستانی خوێن و دابەزاندنی ئاستی كۆلیستیرۆڵی خراپ LDL لە خوێندا، هەروەها خۆپاراستن لە ئەگەری تووشبوون بە چەند جۆرێكی شێرپەنجە بەهۆی ڕێژە بەرزەكەی ماددەی كلۆرۆفیل لە فاسولیای سەوزدا.