دەرهێنەر مارتن سكورسیزی فیلمێكی نوێی سینەمایی بڵاودەكاتەوە
![دەرهێنەر مارتن سكورسیزی فیلمێكی نوێی سینەمایی بڵاودەكاتەوە](https://gulanmedia.com/public/images/posts/20230429080149_original_25.jpg )
دوای فیلمی سینەمایی (ئایرش مان) كە ساڵی 2019 بڵاوكرایەوە,دیسانەوە مارتن سكورسیزی كارێكی نوێی سینەمایی لەگەڵ (رۆبێرت دی نیرۆ) ئەنجام دەدات بەڵام ئەمجارەیان لیۆناردۆ دیكاپریۆ تێیدا هاوبەشە .
(apple tv) لە تۆڕە كۆمەڵایەتییەكان چەند وێنەیەكی نوێی(لیۆناردۆ دیكاپریۆ)ی ئەستێرەی دیاری هۆڵیوود بڵاوكردەوە كە ئەم وێنانە لەكاتی وێنەگرتنی نوێترین فیلمی بەناوی(Killers of the Flower Moon)تۆمار كراون و بڕیارە ئەم فیلمە لە 76مین خولی فیستیڤاڵی نێودەوڵەتی (كان) بۆ فیلم و سینەما نمایش بكرێت .
![دەرهێنەر مارتن سكورسیزی فیلمێكی نوێی سینەمایی بڵاودەكاتەوە](https://gulanmedia.com/public/images/posts/20230429080210_big_770x552_20.jpg )
چیرۆكی ئەم فیلمە سینەماییە لە كتێبێك وەرگیراوە كە هەمان ناونیشانی هەیەو لەلایەن نووسەر و ڕاگەیەندكار (دەیڤد گران)ساڵی 2017 نووسراوەتەوە,ئەم كتێبە چیرۆكێكی ڕاستەقینەی ساڵی 1921 دەگێڕێتەوە كە تاوان و وێرانكارییەكی زۆر لە ناوچەیەكی هیندییە سوورەكان لە ویلایەتی ئۆكلاهۆما ڕوویدا,(مارتن سكورسیزی) ئەستێرەی جیهانی كاری دەرهێنانی فیلمەكەی ئەنجامداوەو هەریەك لە ئەستێرەی دیاری هۆڵیوود رۆبێرت دی نیرۆ و لیۆناردۆ دیكاپریۆ و جۆن لیسگۆ و لیلی گلادستۆن و بریندان فریزەر و تانتو گاردینال و جێسی پلێمنس و ژمارەیەك ئەكتەری دیاری سینەمایی تێیدا بەشدارن .
![دەرهێنەر مارتن سكورسیزی فیلمێكی نوێی سینەمایی بڵاودەكاتەوە](https://gulanmedia.com/public/images/posts/20230429080227_big_770x552_8.jpg )
ناوەڕۆكی فیلمەكە باس لە ڕووداوی تاوانی كوشتن دەكات كە لە ئەنجامی دەستبەسەر داگرتنی زەوییەكی كشتوكاڵی كە دەوڵەمەندە بە نەوت كوشتارییەكی زۆر درووست دەبێت و زیانێكی گەورە بە هۆزێكی هیندییە سوورەكان دەكەوێت .
گوڵان-ئاسۆ كاكەیی