نووستن بۆ ماوەی كەمتر لە شەش كاتژمێر گرفتی زۆر بۆ تەندروستی پەیدادەكات كە بریتین لە:

• نەخۆشیی كۆئەندامی دڵ و سووڕان وەكو: ناڕێكبوونی لێدانەكانی دڵ، بەرزبوونەوەی پەستانی خوێن، نۆرەی دڵ، هەروەها پەككەوتنی دڵ.

• پەستی و خەمۆكی.

• كەمبوونەوەی تواناكانی مێشك بەتایبەتی زووبیرچوونەوە و كەمبوونەوەی تەركیز، لەگەڵ گرفت لە بڕیارداندا.

•  گرفتەكانی پێست بە شێوەی پەیدابوونی ئەڵقەی تاریك لە دەوری چاوەكاندا Dark circles، دەركەوتنی هێڵی وردی لۆچبوون، لەگەڵ زبربوونی پێست.

• زیادبوونی كێشی لەش لەوكاتەی كە كەم خەوتن هاندەرە بۆ زیاد دەردانی هۆرمۆنی گهلێرین Ghrelin كە هەستی برسیبوون زیاد دەكات، هاوكات لەگەڵ كەمبوونەوەی دەردانی هۆرمۆنی Leptin لێپتین كە بە هۆرمۆنی تێربوون و كەمكردنەوەی ئارەزووی خواردن ناسراوە.