ناتالیا ڤیدیۆ كلیپێكی نوێی بڵاوكردەوە
![ناتالیا ڤیدیۆ كلیپێكی نوێی بڵاوكردەوە](https://gulanmedia.com/public/images/posts/20230322202909_original_30.jpg )
بەبۆنەی سەری ساڵی نوێی کوردی و جەژنی نەتەوەیی نەورۆزەوە,هۆزان ناتالیا خانمە هونەرمەندی كورد بەرهەمێكی نوێی گۆرانی بڵاوكردەوە .
ناتالیا لە چانێڵی تایبەتی خۆی لە تۆڕی ڤیدیۆیی یوتیوب بەرهەمێكی نوێی گۆرانی بەناو(ڕۆژا نو)بەشێوەی ڤیدیۆ كلیپ بڵاوكردەوە كە كاری وێنەگرتنی لە پاركی شانەدەر و سەر قەڵای هەولێر و داون تاونی هەولێر ئەنجامدراوە .
ناتالیا خۆی مێلۆدی ئەم بەرهەمەی ئامادەكردووەو تێكستەكەی لەلایەن شاعیری كورد(ئەدیب چەلكی) نووسراوەتەوە,هەروەها (ڕێناس میران) كاری دەرهێنانی ڤیدیۆ كلیپی گۆرانییەكەی ئەنجامداوە .
گوڵان-ئاسۆ كاكەیی