یەكێتی لاوانی دیموكراتی كوردستان (ئاگات لەچراكەی دڵم بێت) دەناسێنێت
یەكێتی لاوانی دیموكراتی كوردستان( ناوەندی باڵای چەمچەماڵ )
روژی یەكشەممە 5/3/2023 كاتژمێر 3ی پاشنیوەڕۆ لە هۆڵی بۆنەكانی (سەنتەری گەنجانی شۆڕش) هەستا بە ناساندنی نوێترین دیوانە شیعری شاعیری لاو (مەریوان حەكیم جەباری) بە ناونیشانی (ئاگات لەچراكەی دڵم بێت) كە خۆشبەختانە بەوپەڕی تامەزرۆییەوە لەلایەن ئامادەبووانەوە پێشوازی گەرمی لێكرا.
لەمبارەیەوە شاعیری لاو مەریوان حەكیم جەباری بۆ گوڵان گوتی:" سوپاس و ڕێزم بۆ مامۆستا (عەدنان ساڵەیی) كە خوێندنەوەیەكی جوان و پڕ واتای بۆدیوانە شیعرەكەم كرد، ئەویش لەڕووی جوانی شیعر و روانگەكانی كۆمەڵایەتی و نەتەوەیی و ئەڤەینی..
سوپاسی تایبەتم بۆ یەكێتی لاوانی دیموكراتی كوردستان (ناوەندی باڵای چەمچەماڵ) بەتایبەت كاك (حسێن ئەنوەر) و ستافە ماندوونەناسەكەی ستافێك پڕ لە وزە ستافێك پڕ لەئەزموون ستافێك نازانن ماندووبوون چییە...
سوپاس بۆ كاك (سۆران بابا) بەڕێوەبەری سەنتەری گەنجانی شۆڕش كە باوشیان بۆ ئەنجامدانی مەراسیمەكە كردەوە. قەرزاری ئامادەبوون و بایەخدانتانم میوانانی ئازیز و قەدرگرانم سوپاسی بێپایانم بۆ پێشوازی گەرمتان فیداتان بم..
سوپاس بۆ برایانم لە كوردستان تیڤی نووسینگەی چەمچەماڵ.
