فوئاد پێشوا بەرهەمێكی نوێی گۆرانی بڵاوكردەوە
![فوئاد پێشوا بەرهەمێكی نوێی گۆرانی بڵاوكردەوە](https://gulanmedia.com/public/images/posts/20230304134203_original_8.jpg )
موسیزیان و هونەرمەندی گۆرانیبێژ (فوئاد پێشوا) بەرهەمێكی نوێی گۆرانی بەشێوەی ڤیدیۆ كلیپ بڵاوكردەوە .
فوئاد پێشوا لە چانێڵی تایبەتی خۆی لە تۆڕی ڤیدیۆیی یوتیوب بەرهەمێكی نوێی گۆرانی بەناوی (پێكەنینت) بڵاوكردەوە كە خۆی موزیكی گۆرانییەكەی ئامادەكردووەو زانا نەجەفی كاری میكس و ماستەرینگی گۆرانییەكەی كردووە,هەروەها (میهران رەمەزانی) كاری دەرهێنانی ڤیدیۆ كلیپی بەرهەمەكەی ئەنجامداوە .
فوئاد پێشوا لە دایكبووی شاری "سنە"ی ڕۆژهەڵاتی كوردستانە, ساڵانێكی زۆرە لە بواری موزیك و گۆرانی دەركەوتووە و خاوەنی ئەڵبۆمی گۆرانی و ژمارەیەك ڤیدیۆ كلیپە كە زیاتر بە گۆرانی (ڕۆژانی جوانی-تۆبە) ناوبانگی دەركرد .
گوڵان-ئاسۆ كاكەیی