لە لێكۆڵبنەوەكاندا هاتووە كە پەستی دەبێتە هۆی ئارەقەی شەوانە Night sweats، بەڵام دەتوانرێت كە بە پەیڕەوكردنی چەند هەنگاوێك رێگای لێبگیرێت. ئارەقەی شەوانە كاریگەریی نەرێنی دەكاتە سەر خەو و هۆكارە بۆ خەوزڕان، بەهەمان شێوە ئارەقەی شەوانە كە جگە لە پەستی گەلێك هۆكاری تری لەپاڵە، خەو تێكدەدات و دەبێتە هۆی خەوزڕان كە پێی دەووترێت پەستی سەبارەت بە خەوزڕان Anxiety about insomnia، واتە حاڵەتەكە دەبێتە ئەڵقەیەكی نەپچڕاو. هەنگاوەكانی خۆپاراستن: ئەنجامدانی مەشقی هەناسەی قووڵ، هەواگۆڕیی ژووری نووستن لە رێگای كردنەوەی پەنجەرەكان بۆ ماوەیەكی دیاریكراو، بەكارهێنانی (كەمادەی) سارد لەسەر نێوچەوان یان مل، هەڵبژاردنی جلی فراوان و سووك بۆ خەوتن كە لەو جۆرە قوماشانە دروستكرابن كە رێگا بە هەواگۆڕی دەدەن Breathable، وەرگرتنی دوشێكی ساردی خێرا یان تەنیا شووشتنی سەر و مل بە ئاوێكی فێنك، گۆڕینی یاتاغی نووستن بە جۆرێكی گونجاو كە ماددەی نایلۆن یان پۆلیستەر لەخۆنەگرێت، دووركەوتنەوە لە وروژێنەرەكانی ئارەقەكردن وەكو خۆراكی تیژ و شلەمەنییە كافائینی و ئەلكهولییەكان، دووركەوتنەوە لە جگەرەكێشان، ئەنجام نەدانی مەشقی وەزرشی لە كاتێكی نزیك كاتی نووستندا، هەروەها رێكخستنی پلەی گەرمیی ژووری نووستن بە بەكارهێنانی گەرماپێو كەلە نێوان 15.5 -19.5 پلەی سَلسیەسدا بێت.