ئامێری دوكەڵ Smoke Machine كە لە بۆنە و ئاهەنگەكاندا بەكار دێت، لە ڕاستیدا تەم Machine Fog یان دڵۆپی وردی ئاو Mist بە یەكەوە یان بە نۆرە پەرش و بڵاو دەكاتەوە. ئایا هەڵمژینی ئەم دوكەڵە یان تەم و دڵۆپی وردەی ئاو زیانبەخشە بۆ تەندروستی؟ ساڵی 2015 ئاوێتەی دایئیتیل گلایكۆل Diethylene glycol لە ئامێرەكانی دوكەڵدا بەكار دەهێنرا كە هۆكار بوو بۆ گەلێك گرفتی كۆئەندامی هەناسە، بەڵام ئەمڕۆ ئاوێتەی پرۆپیلین گلایكۆل بەكار دێت، كە بە هەڵمژینی ڕێژەیەكی كەم هیچ زیانێكی تەندروستی نییە. جگە لەمانە گەلێك ئاوێتە یان گیراوەی دیكە هەن بۆ پەیداكردنی دوكەڵ یان تەم، كە ماددەی كیمیایی جۆراوجۆر لەخۆدەگرن، بەڵام هێشتا لێكۆڵینەوەكان لەسەر ئەم ماددانە بەردەوامن. هەروەها ئەو ئامێرانەی كە تەنیا دڵۆپی وردی ئاو بە هەوادا بڵاو دەكەنەوە Mist generators مەترسییان بۆ تەندروستی نییە. سەرچاوەی دیكەش هەن كە ئاماژەیان بەوە كردووە كە ئەو تەمەی لە شانۆكاندا Theatrical fog بەكار دێت، هۆكارە بۆ سووتانەوەی لووت و ڕێڕەوەكانی هەناسە.