نیشانەكانی گەشەی دروستی منداڵ
ئەگەر نەشتوانیت بە ئاسانی بگەیتە ئەو ئەنجامەی كە ئایا گەشەی منداڵەكەت دروستە یان نا، ئەوا بە ئاشنابوون بەم نیشانانە دەتوانیت بگەیتە ئەنجام، كە بریتین لە: گەشەی فیزیكی دروست بێت، واتە كێش و درێژی باڵای گونجاو بێت لەگەڵ تەمەن بە پێی خشتەی تایبەت بە گەشەی منداڵ، چوست و چالاك و بەئاگا Alert بێت، بۆنموونە توانای مەشقی وەزرشیی هەبێت بەلای كەم بۆ ماوەی 15 خولەك بێ ماندووبوون و رۆژانە چەندین جار، توانایەكی باش و خێرای فێربوونی هەبێت، ئارەزووی باشی بۆ خواردن و خۆراكی جۆراوجۆر هەبێت، ددانەكانی ساغ و بەهێز و پاك بن، قەدێكی رێك و دروستی Posture هەبێت لەكاتی وەستان و دانیشتن و جووڵەدا، ماسوولكە و ئێسكەكانی بەهێز بن، خەوی دروست و بێ پچڕان بێت، خاوەن تەندروستییەكی باشی كۆئەندامی هەرس بێت، بەتایبەتیش دوور بێت لە قەبزی.
